Matius 5:10 - Surat Ralan na'a Vaidida

¹⁰ Ubu naflahar tamata ovi tamata liak ra rwi-rwa ira tevek rira vavaꞌat ra rmalola. Ia Raja Ia ma nfareta tamata avyai.

Matius 5:10 Σταυροειδείς Αναφορές

Matius 10:23

Ba wean i miti ahu isa ma rwi-rwa mia, na miti ahu liak watan. Afa i ufalak verin mia ini, kena urun! Mia wol fyamalik Ubu Ni vaivatul ra verin tamata Israel rira ahu ra munuk obin, na Yaꞌa, Tamata Yanan Yaꞌa ini, uma ewal roak.

Matius 19:14

Yesus nfalak verin ira ne, “Msyiꞌik watan ma kasikoꞌu avyai rma ma rtuan Yaꞌa. Deka myotu teri ira, tevek tamata ovi wearira avyai, ira veka warira vali ovu Ubu naꞌa Ni Fareta a.”

Matius 25:34

Nata Yaꞌa Raja Yaꞌa ini veka ufalak verin ovi rnaꞌa Ning lihir mela yai ne, ‘Yamang a naflahar roak mia, ba mya ini ma mnyaꞌa Ni Fareta ralan a. Ubu nasusan roak Ni Fareta yai verin mia naꞌut i notu lanit ivavan a.

Matius 5:3

“Ubu naflahar tamata ovi rfakloꞌi aꞌuk rira vavaꞌat verin Ia, tevek Ia wean lahir Raja ma nfareta tamata ovi rorang Ia.

Markus 10:14

Yesus nsiꞌik afa yai, na nangrova ma nfalak verin ira ne, “Msyiꞌik watan ma kasikoꞌu avyai rma ma rtuan Yaꞌa. Deka myotu teri ira, tevek tamata ovi wearira avyai, ira veka warira vali ovu Ubu naꞌa Ni Fareta a.

Markus 10:30

fiang ini Ubu veka nal-ewal ma ntafal ma faratut ni rahan teta, aꞌan a warin, uran a yanan ra, renan ra, ovu vali ni vaꞌi ra, naꞌuk veka rotu sian ia vali, tevek norang Yaꞌa. Naꞌuk amar ovi veka rma ini, na ia veka ni vavaꞌat kakiwal.

Lukas 21:12

Naꞌuk afa avyai munuk wol rvotuk obin, na veka rtaha lan mia ma rwi-rwa mia. Veka rala mia ti mdyiri fareta waharira ralan ra naꞌa dida rahan falurut ra, ovu vali veka rala mia ti mnyaꞌa buꞌi ralan. Ira veka rala mia ma ti mdyiri raja ra ovu dawan fareta waharira ralan ra, tevek myorang Yaꞌa.

Lukas 22:29

Ba wean lahir i Yamang a nala ngrebat verin Yaꞌa ma ufareta wean raja, na Yaꞌa veka ala ngrebat verin mia ma fyareta vali wean Yaꞌa.

Lukas 6:20

Yesus nsiꞌik Ni tamata ovi rorang Ia ma nfalak ne, “Ubu naflahar mia, tamata ovi bira kasian a dawan, tevek Ia wean lahir Raja ma nfareta mia, tamata ovi myorang Ia.

Lukas 6:22

Ubu naflahar mia naꞌut i tamata ra wol inar lahir mia, rfalak sian mia, ralaꞌing vatuk mia ovu vali rfangra narabira ra, tevek myorang Yaꞌa, Tamata Yanan a.

Yohanes 15:20

Mingnanang afa ovi ufalak roak verin mia: Tamata sansinir isa ni dawan wol nlia duan a. Tamata boku rwi-rwa lan roak Yaꞌa, ovu ira veka rwi-rwa vali mia. Naꞌuk tamata boku vali rot-orang roak afa ovi air ra, ovu veka rot-orang vali afa ovi myair ra.

Kisah 5:40

Ira rera rasul ra rma ma rasveva ira. Nata rfalak teri ma deka rfamalik Yesus verin tamata ra, beti rfatalik ira.

Kisah 8:1

Saulus ntorung vali ma rfedan Stefanus. Naꞌa amar yai vali, na tamata ra mulai ma rwi-rwa ma dawan tamata ovi rorang Yesus naꞌa Yerusalem, ba rafla tia ma watan ma ti rleal ahu ovi rnaꞌa propinsi Yudea ovu propinsi Samaria. Naꞌuk rasul ra rnaꞌa watan Yerusalem.

2 Korintus 4:17

Tevek sian ovi amtuan ra wol kaꞌi aleman, naꞌuk veka rvua afa lolin verin ami ma ti wol ni wahan, ovu nlia munuk afakataka. Afa lolin avyai, lolin lia sian ovi amtuan ra.

Filipi 1:28

Mia musti mibrahi ovu deka byobar tamata ovi rangal mia. Wean inyai, na fyaturu roak ne, ira veka ramwear watan, naꞌuk Ubu veka nsikat mia tali bira salasilan ra ma bira vavaꞌat kakiwal, tevek Ia kaꞌi notu ma wean inyai.

2 Timotius 3:11

Oa msiꞌik roak ne tamata ra rwi-rwa yaꞌa, ovu ning susa ra. Ira rotu afa ovi naꞌa kota Antiokhia, kota Ikonium ovu kota Listra. Tamata ra rotu sian urun yaꞌa, naꞌuk Duilaꞌa novun yaꞌa ma wol akataka.

Yakobus 1:12

Ubu naflahar tamata ovi rtahang nal ralarira naꞌa rira susa ra, tevek wean i rtahang nal ralarira, na Ia veka nala vavaꞌat kakiwal i ntorung roak verin tamata iki watan i nlobang Ia ovu ralan urun. Ubu naval vali ira ovu Ni lolin a.

Yakobus 5:11

Ita tfalak ne, tamata ovi rtuan susa rira vavaꞌat ra malinan, tevek rtahang nal ralarira ra ma rorang Ubu. Mia mryenar roak Ayub. Duilaꞌa naflahar ia, tevek ntahang nal ralan naꞌa ni susa i dawan urun a. Ba mia mkyaꞌa roak ne, Duilaꞌa Ni silobang a dawan urun, ovu nfaturu Ni silobang a verin Ni tamata ra.

1 Yohanes 3:12

Bira vavaꞌat a deka wean Kain, tevek nitdawan naꞌa roak ralan a ma nfedan warin a. Notu afakinimi nfedan warin a? Tevek afa ovi notu ra sian lalawatan, naꞌuk afa ovi warin a notu ra kena ovu Ubu ralan a.

Wahyu 2:10

Ralabira deka kakoꞌu naꞌa afa sian ovi veka mtyuan ra! Mingnanang, tevek nitdawan veka nsinir ni tamata ra ma rtaha tamata boku tali bira sidovung a, ma raꞌabuꞌi ira. Ira rotu wean inyai ma rlabir teman mia. Mia veka mtyuan susa, ti naran amar vutu a. Naꞌuk myot-orang lalawatan afa ovi ufalak ra, velik ne rfedan vali mia. Yaꞌa veka aval bira rala lolin ra ovu vavaꞌat kakiwal, tevek mtyahang nal ralabira.