Matius 4:12 - Surat Ralan na'a Vaidida

¹² Ti ma Yesus nrenar ne, rtaha roak Yohanes ma raꞌabuꞌi ia, na nti talik propinsi Yudea ma newal Ia nti propinsi Galilea.

Matius 4:12 Σταυροειδείς Αναφορές

Matius 11:2

Naꞌut inyai, na Yohanes i nbaptis tamata ra nanaꞌa roak buꞌi ralan. Ia nrenar naꞌa afa ovi Yesus notu ra,

Matius 14:3

Herodes nfalak wean inyai, tevek lan ana, nfareta ma rtaha Yohanes ma rkeak ia, beti rovun ia ti rfadoku ia naꞌa buꞌi ralan. Herodes notu wean inyai, tevek awan a Herodias. Herodes nala roak warin i Filipus awan a, Herodias, ma neluk awan.

Markus 1:14

Fareta ra raꞌabuꞌi roak Yohanes. Nata Yesus nti propinsi Galilea ma nfamalik Ubu Ni Ivar Lolin a.

Markus 6:17

Herodes nala roak warin i Filipus awan a naran Herodias ma neluk awan, ba Yohanes nfalak lalawatan verin ia ne, “Wol bisma msifa ovu ia, tevek motu wean inyai, na mangal roak Ubu Ni inukun ra!” Afa i Yohanes nfalak yai notu ma Herodias ntonan mane nfedan ia, naꞌuk wol not-nala, tevek Herodes nalang Yohanes ovu nkaꞌa ne, ni vavaꞌat a nmalola ovu wol ni salasilan lahir. Velik ne afa ovi Yohanes nfalak yai rotu ma Herodes ralan raruan, naꞌuk inan ma nrenar watan. Herodes nfalak ma rtaha Yohanes ma rkeak ia ma ti rfadoku ia naꞌa buꞌi ralan a. Notu wean inyai tevek awan a, naꞌuk nsinir tamata ovi rnaꞌa buꞌi ralan a ma rwanar Yohanes.

Lukas 23:5

Naꞌuk ira rkiwal ilaꞌa ma rfalak ne, “Ia Ni afa ovi nair ra rsoru munuk roak tamata ovi rnaꞌa Yudea, bi tamata ra rotu vangoa-vanga. Ia nsiair lan naꞌa Galilea, beti nma naran wan ini.”

Lukas 3:20

Ti nata, Herodes ntafal ma naktufan, ovu nala Yohanes ma nti buꞌi ralan.

Lukas 4:14

Ubu Ni Roh a nleal roak Yesus, ma newal Ia nti propinsi Galilea. Yesus Ni ivar a ti nsoru munuk lahir wan yai.

Lukas 4:31

Nata Yesus nti Galilea ma nsiair naꞌa ahu Kapernaum. Ia nsiair naꞌut amar i tamata Yahudi ra ryari ira.

Yohanes 1:43

Ni ilyan ana, Yesus nvolan mane nti propinsi Galilea. Ia wol nti obin, na ntuan Filipus ma nfalak ne, “Mwa ma morang Yaꞌa!”

Yohanes 2:11

Beti fasa lahir Yesus notu faneak i tamata ra wol rot-nala naꞌa Kana i naꞌa Galilea. Tali faneak yai, na Ia nfaturu Ni dawan a, ba Ni tamata ovi rorang Ia, rorang urun Ia.

Yohanes 4:43

Yesus nanaꞌa Sikhar amar irua, beti nti Galilea.

Yohanes 4:54

Ini ma farua roak Yesus notu faneak i tamata ra wol rot-nala naꞌa Galilea, naꞌut i newal Ia tali Yudea.