Matius 3:14 - Surat Ralan na'a Vaidida

¹⁴ Naꞌuk Yohanes nafena. Ia nfalak ne, “Velik aba Oa bwaptis yaꞌa, tevek wol verang a ratang Oa. Notu afakinimi mwa ma mera verin yaꞌa ma ubaptis Oa i?”

Matius 3:14 Σταυροειδείς Αναφορές

Matius 3:13

Naꞌut inyai, na Yesus ntali propinsi Galilea nti oar Yordan, boma Yohanes nbaptis Ia.

Matius 3:15

Naꞌuk Yesus nfalak verin ia ne, “Motu watan wean i ufalak yai, boma mot-orang munuk afa ovi Ubu ralan nfalak a.” Ba Yohanes norang watan ma nbaptis Ia.

Lukas 1:43

Yaꞌa ini iki yaꞌa mi ning Duilaꞌa renan a nma ma nalola yaꞌa?

Yohanes 1:16

Ia Ni lolin a dawan dalang, ba nala Ni kalolin ra lalawatan verin ita munuk.

Roma 1:13

Terang a valing averi, inak ma mkyaꞌa ne, yaꞌa baꞌi udava lingaꞌan ma ti ulola mia, boma ufamalik Kristus ma tamata rivun rorang Ia, wean tamata ovi wol Yahudi ira naꞌa wan liak, rorang vali Ia. Naꞌuk ma naran amar ini, na utuan lalawatan angangal ra.

Roma 3:23

Ubu inan ma tamata ra munuk rovu Ia naꞌa vanan i nfitik nyadat. Naꞌuk tamata ra munuk lahir naꞌa lanit ivavan a rotu roak salasilan, bi notu ma rfaroa lahir ira tali vanan i nfitik nyadat a.

Roma 3:25

Ubu nfadoku ma Yesus ntuan inukun ma al nkati inukun i musti tatuan tevek dida salasilan ra, ma kaꞌi nala tenan ma nmata ovu laran a nvoat ma ntevut dida salasilan ra, wean i torang Yesus. Ubu kena Ia, naꞌuk tali lalan ana, wol nukun tamata ra naꞌa rira salasilan ra, tevek ntahang nal ralan naꞌa rira salasilan ra. Naꞌuk fiang ini, nahu Yesus Ni matmatan a, na Ubu nfaturu ne, Ia nukun lahir tamata ra naꞌa rira salasilan ra, ovu wean i rorang Yesus, na ntorung ma nala ira wearira tamata ovi rira vavaꞌat ra rmalola.

Galatia 3:22

Surat Ralan nfalak ne, salasilan ra rkeak teri tamata ra munuk. Ba Ubu nala Ni tnorung verin tamata ovi rorang aꞌuk Yesus.

Galatia 4:6

Ubu nala roak ita ma teluk yanan ra, ba nsinir Yanan Ni Roh a ma nleal raladida ra. Ubu Yanan Ni Roh yai notu ma bis tfalak ne, “Bapa oo, Bapa!”

Ibrani 7:23

Terang a valing averi, eka tanovak ewal naꞌa afa isa ini. Tamata Yahudi rira mela falurut ra musti rivun ira, boma naꞌut i rmata, na liak ra bisma rkati ira ma rfabana rira karya a.