Matius 15:2 - Surat Ralan na'a Vaidida

² “Afakinimi Mu tamata ovi rorang Oa rangal dida adat ovi rtali ubud-nusid ra? Ira rafnaꞌan, naꞌuk wol raraming limarira ra obin.”

Matius 15:2 Σταυροειδείς Αναφορές

Matius 15:3

Yesus nfalak ne, “Afakinimi myangal vali Musa ni inukun ra ma myorang aꞌuk bira adat ovi rtali ububir-nusibira ra?

Markus 7:2

Tamata Farisi ra ovu tamata Yahudi liak ra munuk rorang ma dawan adat ovi rtali uburir-nusirira ra. Adat avyai rfalak ma raraming limarira ra beti rafnaꞌan, wean tamata isa newal ia tali wan i rfedi-rfaha afa naꞌa, na nliru ia ma nmerat veki, beti nafnaꞌan. Ira rorang vali inukun rivun tali uburir-nusirira ra, wean raraming rira ketal, kobi ovu afa ovi rala al rafvaꞌak ra ma rmerat. Tamata Farisi ra ovu Yahudi rira dawan avyai rsiꞌik Yesus Ni tamata boku ovi rorang Ia rafnaꞌan, naꞌuk wol rot-orang rira adat ma raraming limarira ra.

Markus 7:5

Ba ira mane rfasala Ni tamata ra ma rfalak ne, “Afakinimi Mu tamata ovi rorang Oa wol rorang dida adat ovi rtali ubud-nusid ra? Ira rafnaꞌan, naꞌuk wol raraming limarira ra.”

Lukas 11:38

Tamata Farisi yai nabrian lahir, tevek Yesus wol nraming liman a obin, na nafnaꞌan roak.

Galatia 1:14

Ukaꞌa ma lolin afa ovi agama Yahudi rair ra, nlia tali ning kida ovi tuvu isa ovu yaꞌa. Ba yaꞌa ivaꞌung urun ma ufabana adat ovi ubumam-nusimami ra rair roak a.

Kolose 2:8

Msyiꞌik wabira ma lolin, boma tamata ra deka rlabir waweang mia, ma rkiwal ovu rair mia, ma myorang rira fikiran ovi rfalak ne rira kakaꞌa, naꞌuk wol kena ovu vu watan. Afa ovi rair ra wol rtali Kristus, naꞌuk rtali afa ovi tamata ra kaꞌi rotu watan a, ovu vali adat ovu inukun ovi rnaꞌa lanit ivavan ini.

1 Petrus 1:18

Mia mkyaꞌa ne, Ia ntevut roak mia tali bira salasilan ra. Ba mia mtyalik roak tali bira vavaꞌat vu ovi ububir-nusibira ra rala roak verin mia. Ia wol nala masa te perak ovi bis rakvisal ma al ntevut bira vavaꞌat yai.