Matius 11:6 - Surat Ralan na'a Vaidida

⁶ Ubu naflahar tamata ovi ralarira ra wol raruan naꞌa rira inorang verin Yaꞌa.”

Matius 11:6 Σταυροειδείς Αναφορές

Matius 13:21

Naꞌuk ira wearira irubun ovi wol rabwaꞌar, ba wol rtahang ma mnanat. Ba ti ma rtuan susa te tamata ra rwi-rwa ira, tevek rorang Yaꞌa, na rafla talik lahir rira inorang a.

Matius 18:7

“Yaꞌi yo! Veka sian urun i lahir, tevek afa ovi rnaꞌa lanit ivavan ini veka rotu ma tamata ra rira salasilan. Ita tkaꞌa roak ne, afa sian avyai rotu ma tamata ra rira salasilan rnaꞌa watan, naꞌuk sian urun verin tamata ovi rotu ma tamata liak ra rotu salasilan.

Matius 24:10

Naꞌut inyai, na tamata rivun vali veka rafla talik lahir rira inorang a, ma rotu aꞌuk afa ovi sian ra. Ira veka rsifedi-sikual ira, ovu vali isa wol inan lahir isa.

Matius 26:31

Nata Yesus nfalak verin ira ne, “Ovan ini lahir, bira inorang veka wol nangrebat ma mifla talik Yaꞌa, tevek afa sian ovi tamata veka rotu verin Yaꞌa. Surat Ralan nfalak roak ne, ‘Ubu veka nfedan domba duarira a, ba domba ra veka rlilin watan.’

Matius 5:29

Ba wean i matabira lihir mela notu ma myotu salasilan, na mkyivul vatuk ia. Ni lolin a matabira lihir watan, tevek wol lolin lahir ma rvatuk fatnemung tenabira naꞌa yafwan kakiwal.

Markus 6:3

Ia tukan kayu Ia. Renan naran Maria ovu warin ra verin Yakobus, Yoses, Yudas ovu Simon. Uran ra rleal vali ini.” Tamata rivun avyai ralar sian Ia, ba rafena ma rorang Ia.

Lukas 2:34

Nata Simeon naflurut verin Ubu ma naflahar ira, ovu nfalak verin Maria ne, “Ubu nfadoku roak ma kasikoꞌu ini veka nfaleka ma rivun tamata Israel ovi rafena ma rorang Ia, ovu vali nsikat tamata rivun tali rira salasilan ra, ma rira vavaꞌat kakiwal. Ia neluk faneak tali Ubu ma nfangnanang tamata ra naꞌa afa ovi Ubu nfalak ra, naꞌuk tamata rivun veka rangal Ia.

Lukas 7:23

Ubu naflahar tamata ovi ralarira ra wol raruan naꞌa rira inorang verin Yaꞌa.”

Yohanes 16:1

“Yaꞌa ufalak munuk afa avyai verin mia, boma deka mifla talik bira inorang a verin Yaꞌa.

Yohanes 6:66

Naꞌut inyai, tali tamata ovi rorang Ia, na rivun ira rti talik Ia ovu rafena roak ma rorang Ia.

1 Korintus 2:14

Naꞌuk tamata ovi Ubu Ni Roh wol nleal ralarira ra, na ira wol rorang afa ovi Ubu Ni Roh nfalak ra. Ira rfalak ne, “Vaivatul avyai, afa boda-badi watan.” Ira wol rfan-aran vali ne, Ubu Ni Roh aꞌuk saꞌi bisma nlobang tamata ra ma rfan-aran vaivatul avyai.

Galatia 5:11

Terang a valing averi, wean i air mia ne, musti rsunat tamata ra veki, boma rorang Musa ni inukun ra, na Yahudi ra wol rangrova yaꞌa. Naꞌuk yaꞌa wol air wean inyai! Ira rangrova ma rotu sian yaꞌa, tevek air mia ne, Kristus nmata naꞌa aa walwalur ma al nakvanak ita.

1 Petrus 2:8

Iki wol norang Yesus, na ia veka ntuan afa ovi Surat Ralan nfalak ne, “Vatu yai neluk angangal verin tamata ma rasvotun ma rleka lahir.” Tamata avyai rasvotun naꞌa vatu yai, tevek wol rot-orang Ubu Ni vaivatul ra. Ia nfadoku roak ma musti wean inyai.