Matius 11:19 - Surat Ralan na'a Vaidida

¹⁹ Yaꞌa, Tamata Yanan Yaꞌa, uma ma ufnaꞌan ovu ufnenu. Ira rafena vali Yaꞌa, ma rfalak ne, ‘Ia nafnaꞌan sian ovu baꞌi nanavut, ovu notu kida ovu tamata ovi baꞌi rera babahir kulu ra, ovu vali notu kida ovu tamata salasilan ra!’ Velik ne wean inyai, naꞌuk tali afa ovi Ubu Ni tamata ra rotu, na tamata ra veka rsiꞌik ne, Ni kakaꞌa dawan a kena.”

Matius 11:19 Σταυροειδείς Αναφορές

Matius 5:46

Wean i mlyobang watan tamata ovi rlobang mia, na deka minovak ne, Ubu veka nala akataka verin mia. Velik ne tamata ovi baꞌi rera babahir kulu rira vavaꞌat ra sian, naꞌuk rlobang vali tamata ovi rlobang ira.

Lukas 14:1

Amar isa naꞌut i Yahudi ra ryari ira, na Yesus nti dawan Farisi isa ni rahan ma nafnaꞌan naꞌa inyai. Tamata ovi rnaꞌa inyai rsiꞌik nanuang Ia.

Lukas 19:7

Tamata rivun ovi rsiꞌik afa yai rafngamuꞌur ma rfalak ne, “You! Yesus nti lahir tamata i baꞌi notu salasilan yai ni rahan a.”

Lukas 7:29

Tamata avyai munuk, ovu tamata ovi baꞌi rera babahir kulu, rarenar afa ovi Yesus nfalak ra. Ira rtorung ne, Ubu kena Ia, tevek Yohanes nbaptis roak ira.

Yohanes 2:2

Rasweang vali Yesus ovu Ni tamata ovi rorang Ia ma rovu snoba yai.

Roma 15:2

Tali bir tinemun, na lokat tamata musti notu afa ovi lolin ra verin teran a valin ra ma nfaloling ralarira ra, boma rira inorang a ntafal ma nangrebat.

Wahyu 7:12

Ira rfalak verin Ia ne, “Kena urun! Ubu saꞌi dawan Ia. Tfadawang aꞌuk Ia, tevek Ni dawan a nlia munuk. Traning Ia, tevek Ni kakaꞌa dawan, Ni ngrebat a, ovu Ni fareta a. Tfalak ne, ‘Fara weninyai ta Ubu.’ Tfakaratat Ia ovu talang aꞌuk Ia. Kena urun.”