Lukas 7:37 - Surat Ralan na'a Vaidida

³⁷ Vata isa notu salasilan rivun naꞌa kota yai. Ti ma vata yai nkaꞌa ne, Yesus nafnaꞌan naꞌa tamata Farisi yai ni rahan a, na ntaha botal koꞌu isa i rotu tali vatu lolin isa naran pualam ma nti inyai. Botal yai nsaꞌa ngul i voan a lolin urun.

Lukas 7:37 Σταυροειδείς Αναφορές

Matius 21:31

Ba tali yanan a brana irua yai, na iki not-orang afa i yaman a nfalak a?” Ira rfalak ne, “Yanan iyaꞌan.” Ba Yesus nfalak verin dawan Yahudi avyai ne, “Afa i ufalak verin mia ini, kena urun! Tamata ovi baꞌi rera babahir kulu, ovu vatlean ra, veka ula ira ma ti rnaꞌa Ubu Ni Fareta, beti mia.

Lukas 18:13

Naꞌuk tamata i baꞌi nera babahir kulu yai ndiri ma nfaroa ia tali tamata ra. Ia wol nabrahi ma ntadata nrata lanit, naꞌuk nfefik buburn a ma nfalak ne, ‘O Ubu, fara fwaturu Mu silobang a verin yaꞌa, tamata salasilan ini.’

Lukas 19:7

Tamata rivun ovi rsiꞌik afa yai rafngamuꞌur ma rfalak ne, “You! Yesus nti lahir tamata i baꞌi notu salasilan yai ni rahan a.”

Lukas 5:30

Ti ma tamata Farisi ra ovu rira dawan ovi rair Musa ni inukun ra rsiꞌik afa avyai, na rorat Yesus Ni tamata ra ne, “Notu afakinimi mifnaꞌan-mifnenu ovu tamata ovi baꞌi rera babahir kulu ra, ovu tamata salasilan ra?”

Lukas 5:32

Yaꞌa wol uma ma era tamata ovi rira vavaꞌat ra rmalola, naꞌuk uma ma era tamata salasilan ra, boma rahil ma rtalik tali rira salasilan ra.”

Lukas 7:34

Yaꞌa, Tamata Yanan Yaꞌa, uma ma ufnaꞌan ovu ufnenu, ba fyalak ne, ‘Ia nafnaꞌan sian, baꞌi nanavut, notu kida ovu tamata ovi baꞌi rera babahir kulu ra, ovu vali notu kida ovu tamata salasilan ra.’

Lukas 7:36

Amar isa, na tamata Farisi isa nasweang Yesus ma nma ma nafnaꞌan naꞌa ni rahan a. Ba Yesus nti ni rahan ma nafnaꞌan.

Yohanes 9:24

Ba tamata Yahudi avyai rera ewal tamata i lan a nkibu naꞌuk nsirea roak yai, ma rfalak verin ia ne, “Mala lahir Ubu Naran a al mufwaba ne, afa i fwalak a kena urun. Ami amkaꞌa ne, tamata yai tamata salasilan Ia.”

Yohanes 9:31

Ita tkaꞌa ne, Ubu wol nvalat tamata salasilan rira falurut ra, naꞌuk Ia nvalat tamata ovi ralang Ia ovu rot-orang afa ovi ralan nfalak ra.

Roma 5:8

Naꞌuk Ubu nfaturu Ni silobang i dawan urun verin ita nahu Kristus i nmata roak verin ita, naꞌut i tamata salasilan ita obin.

1 Timotius 1:15

Vaivatul ovi kena lahir, ba fara tamata ra munuk veka rorang. Vaivatul ovi wean ini, “Kristus Yesus nma lanit ivavan a ma nsikat tamata ra tali rira salasilan ra, boma rira vavaꞌat kakiwal.” Yaꞌa ning salasilan ra rlia munuk tamata ra.

1 Timotius 1:9

Ita tkaꞌa ne, inukun avyai wol mane verin tamata ovi rira vavaꞌat ra rmalola. Naꞌuk verin tamata ovi wol rorang Ubu ma rangal Musa ni inukun ra, tamata ovi rotu salasilan lalawatan, tamata ovi wol raraning Ubu ovu tamata ovi rfalak sian Ia, tamata ovi rfedan renarira te yamarira, ovu vali tamata sifedan liak ra.

1 Petrus 4:18

Rtulis roak naꞌa Surat Ralan wean ini, “Tamata ovi rot-orang afa ovi Ubu ralan nfalak a musti rtuan susa veki, beti Ia nsikat ira tali rira salasilan ra, ma rira vavaꞌat kakiwal. Naꞌuk tamata salasilan ra ovu tamata ovi wol rorang Ubu veka rtuan inukun i aleman urun.”