Lukas 22:43 - Surat Ralan na'a Vaidida

⁴³ Ba Ubu Ni sansinir isa ntali lanit ratan nvotuk ovu Ubu Ni ngrebat ma nfangrebat Ia.

Lukas 22:43 Σταυροειδείς Αναφορές

Matius 26:53

Mia wol mkyaꞌa ne, Yaꞌa bis watan ma era verin Yamang a ma nlobang Yaꞌa? Bis watan ma era verin Ia ma nsinir lahir Ni sansinir ra tali lanit ratan, naꞌa sidovung dawan nlia tali vutu rahin irua, ma rma.

Matius 4:11

Ba nitdawan nti talik lahir Yesus, na Ubu Ni sansinir ra rtali lanit ratan rma ma rfatuang Ia ma rlobang Ia.

Matius 4:6

Ia nfalak verin Yesus ne, “Wean i Ubu Yanan urun Oa, na eka muswatil tali ini msuta, tevek rtulis roak naꞌa Surat Ralan ne, ‘Ubu veka nfareta Ni sansinir ra rtali lanit ratan ma rsiꞌik ma lolin Oa. Ira veka rvelar limarira ra ma rtada Oa, boma eam ra deka rkena vatu.’ ”

Lukas 22:32

Naꞌuk uflurut roak verin oa ma fara mu inorang a naꞌa lalawatan Yaꞌa. Wean i mahil roak ma morang Yaꞌa, na fwangrebat vali teram a valim tamata inorang ra ma rira inorang a nanaꞌa lalawatan Yaꞌa.”

Kisah 14:22

Ira rnaꞌa kota avyai, na rala snurak lolin ma al rfangrebat tamata ovi rorang Yesus ralarira ra, boma rorang aꞌuk Yesus. Ira rfalak ne, “Kida averi, ita tatuan lan susa rivun veki, beti ti tnaꞌa Ubu Ni Fareta Ralan.”

Kisah 18:23

Ti naran Antiokhia, na ni amar ifira vali naꞌa inyai, beti ntali ahu isa nti ahu isa naꞌa propinsi Galatia ovu propinsi Frigia, ma nalola tamata ovi rorang Yesus naꞌa inyai ma nfangrebat rira inorang a.

1 Timotius 3:16

Ita dida inorang nlia agama liak ra, ba wol tamata isa vali nalak nala ia. Tamata ra wol rkaꞌa dida inorang, ti naran amar i Ubu kaꞌi nfavotuk ia. Vaivatul ovi rfamalik Yesus wean ini: Ia neluk tamata ma nfavotuk roak Ia, Ubu Ni Roh nfalyawang ne, Yesus Ni vavaꞌat nmalola. Ubu Ni sansinir ra rtali lanit ratan rsiꞌik Ni ngrebat a, ivar i nfamalik Yesus nban-soru roak lanit ivavan. Ba tamata ra naꞌa inba watan rorang Ia, nata Ubu nala Ia ma nrata lanit ratan.

Ibrani 1:14

Ba ita tanovak aka naꞌa Ubu Ni sansinir ovi rnaꞌa lanit ratan a? Sansinir avyai, roh ovi Ubu nsinir roak ira ma rlobang tamata ovi Ia nsikat roak ira tali rira salasilan ra, ma rira vavaꞌat kakiwal.

Ibrani 1:6

Naꞌut amar i Ubu novun Yanan i ula lalean a nma lanit ivavan a, na Ia nfalak ne, “Sansinir ovi rnaꞌa lanit ratan munuk musti rsoak ma raraning Ia.”

Ibrani 2:17

Wean inyai bi, Yesus musti neluk tamata ma wean lahir ita, tamata ovi tnaꞌa lanit ivavan ini, ma ntuan susa vali wean susa ovi baꞌi tatuan ra, boma Ia neluk dida Mela Falurut Ilaꞌa. Naꞌa Ni karya ma neluk Mela Falurut Ilaꞌa, na nfaturu Ni rala lolin verin tamata ra ovu notu lalawatan afa ovi Ubu nfalak ra. Tali Ni karya yai bi naꞌi vatuk tamata rira salasilan ra munuk.