Lukas 22:34 - Surat Ralan na'a Vaidida

³⁴ Yesus nfalak ne, “Petrus, ufalak verin oa ma mkaꞌa ne, ovan ini lahir manut wol nkukuwai obin, na oa malak nala fatelu roak ne, wol mkaꞌa Yaꞌa.”

Lukas 22:34 Σταυροειδείς Αναφορές

Matius 26:34

Yesus nfalak verin ia ne, “Afa i ufalak verin oa ini, kena urun! Ovan ini lahir manut wol nkukuwai obin, na oa veka malak nala fatelu roak ne, wol mkaꞌa Yaꞌa.”

Matius 26:74

Petrus nalak matmatan watan ia ma kaꞌi nafwaba tenan a ma nfalak ne, “Yaꞌa wol ukaꞌa tamata yai.” Naꞌut inyai lahir, na manut nkukuwai.

Markus 14:30

Ba Yesus nfalak verin ia ne, “Afa i ufalak verin oa ini, kena urun! Ovan ini lahir, manut wol nkukuwai farua obin, na veka malak nala fatelu roak ne, wol mkaꞌa Yaꞌa.”

Lukas 22:33

Petrus nfalak ne, “Duilaꞌa, yaꞌa utorung roak ma wean i raꞌabuꞌi te rfedan Oa, na yaꞌa veka ovu vali ma unaꞌa buꞌi ralan te umata ovu Oa!”

Lukas 22:35

Yesus norat Ni tamata ovi rorang Ia ne, “Naꞌut i usinir mia ma ti fyamalik Ubu Ni Ivar Lolin a, na ufalak teri roak ma deka mtyaha sadawan, kubang ovu tatea, na mtyuan susa aka?”

Lukas 22:61

Nata Yesus nfulak Ia ma nsiꞌik Petrus, beti Petrus nangnanang nala ewal afa i Duilaꞌa nfalak roak verin ia ne, “Ovan ini manut wol nkukuwai obin, na oa malak nala fatelu roak ne, wol mkaꞌa Yaꞌa.”

Yohanes 13:38

Yesus nfalak ne, “Petrus, oa mane mwata verin Yaꞌa? Afa i ufalak verin oa ini, kena urun! Manut wol nkukuwai obin, na oa veka malak nala fatelu roak ne, wol mkaꞌa Yaꞌa.”

Yohanes 18:27

Petrus nalak ewal ia ma nfalak ne, “Wahal.” Naꞌut inyai, na manut isa nkukuwai lahir.