Lukas 19:9 - Surat Ralan na'a Vaidida

⁹ Ba Yesus nfalak verin Zakheus ne, “Amar ini lahir, na Ubu nsikat oa ovu mu rahan teta tali bira salasilan ra, ma bira vavaꞌat kakiwal, tevek Abraham ubun a nusin vali oa.

Lukas 19:9 Σταυροειδείς Αναφορές

Lukas 13:16

Vata ini Abraham ubun-nusin vali ia. Nitdawan nkeak ia varat vutu rahin iwalu roak, ba Yaꞌa musti aling vatuk kakeak yai tali ia, velik ne naꞌa amar i tyari ita!”

Lukas 13:30

Ba Ubu veka notu ma tamata ovi wol fyawar akataka, fyawar lia munuk tamata ra. Tamata ovi rfakaratat tenarira ra, Ia veka notu ma wol fyawar akataka.”

Lukas 16:24

Ba nafwak ma nfalak ne, ‘O Bapa Abraham, fara fwaturu Mu silobang verin yaꞌa! Msinir Lazarus ma nsovu liman tutul a naꞌa wear ma nma nfangridin earng a, tevek ufarnuang wawaꞌuk i dawan urun a naꞌa yafu ralan ini!’

Lukas 16:30

Ba tamata yai kaꞌi nfalak ne, ‘Baba, inyai wol naran obin, naꞌuk wean i matmatan isa nvaꞌat ewal ma nti nfalak verin ira, na ira veka rahil ma rtalik tali rira salasilan ra.’

Lukas 2:30

Usiꞌik roak Ia i msinir ma nma, ma nsikat ami tali mami salasilan ra, ma mami vavaꞌat kakiwal.

Lukas 3:8

Fyaturu lahir naꞌa bira vavaꞌat ra ne, myahil roak tali bira salasilan ra! Deka minovak naꞌa ralabira ra ne, ububir-nusibira Abraham, ba Ubu veka wol nukun mia! Mryenar ma lolin afa ovi ufalak ini! Ubu bis notu watan ma Abraham yanan ra, rtali vatu ovi!

Roma 4:16

Ba Ubu nala Ni tnorung a verin Abraham, tevek ni inorang verin Ia. Notu wean inyai tali watan Ni rala lolin a. Wean inyai, na Ubu Ni tnorung yai neluk tnorung mngaꞌun verin ita munuk, tamata ovi teluk Abraham ubun-nusin ra. Ubu nala tnorung yai, wol mane verin tamata Yahudi ovi rot-orang Musa ni inukun ra watan, naꞌuk verin tamata iki watan i ni inorang verin Ubu wean Abraham. Tevek Abraham neluk bapa verin ita munuk, tamata ovi torang Ubu.

Galatia 3:14

Yesus Kristus ntevut roak ita, boma tamata ovi wol Yahudi ra rira vali afa lolin ovi Ubu ntorung roak verin Abraham, tevek afa i Yesus notu verin ita. Wean inyai, na Ubu veka nfakena vali Ni tnorung a ma nala Ni Roh a verin ita, tevek dida inorang a verin Ia.

Galatia 3:29

Kristus Ni munuk roak mia, ba Abraham yanan vali mia. Ubu veka nala Ni kalolin a verin mia, wean i ntorung roak verin Abraham.

Galatia 3:7

Mia musti mkyaꞌa ne, tamata ovi rira inorang verin Ubu, na Abraham yanan urun ira.

1 Petrus 2:10

“Lan ana, wol myeluk Ubu Ni tamata ra obin, naꞌuk fiang ini myeluk roak Ni tamata ra. Lan ana, Ubu wol nfaturu Ni silobang a verin mia obin, naꞌuk fiang ini Ubu nfaturu roak Ni silobang yai.”