Kisah 8:21 - Surat Ralan na'a Vaidida

²¹ Oa wol mu hak ma movu ami naꞌa mami karya ini, tevek ralam wol kena lahir naꞌa Ubu wahan ralan a.

Kisah 8:21 Σταυροειδείς Αναφορές

Lukas 1:6

Zakharia irua awan a rira vavaꞌat ra rmalola naꞌa Ubu wahan ralan a. Irua ralarira urun ma rot-orang munuk afa ovi Duilaꞌa nfadoku roak naꞌa Ni inukun ra.

Yohanes 21:17

Yesus norat ewal ia ma fatelu roak ne, “Simon, Yohanes yanan oa. Oa mlobang Yaꞌa?” Petrus ralan lalau, tevek Yesus norat fatelu ia roak ne, “Oa mlobang Yaꞌa?” Ba Petrus nfalak ne, “Duilaꞌa, Oa mkaꞌa munuk afakataka. Oa mkaꞌa ne, yaꞌa ulobang Oa.” Yesus nfalak verin ia ne, “Fwaꞌan ma lolin Ning domba ra.

Kisah 8:37

Filipus nfalak ne, “Wean i morang ovu ralam urun, na veka ubaptis oa.” Tamata yai nfalak ne, “Yaꞌa orang urun ne, Yesus Kristus yai Ubu Yanan a.”]

Efesus 5:5

Ba era verin mia ma eka mryenar ma lolin! Tamata ovi rfangra tenarira ra ovu rot-orang rira ininan sian ra, te rsifa tia ma watan ovu tamata ovi wol awarira verin ira, ovu ovi rlobang rira kubang ra ma rfikir aꞌuk tenarira ra, na tamata avyai wol warira naꞌa Kristus ovu Ubu Ni Fareta a. Tamata avyai wol rira lahir afa ovi Ubu ntorung ma nala verin tamata ovi rorang Ia. Wean i rlobang rira kubang ra wean inyai, na ira wearira tamata ovi rsangatur ma raraning walut ra, ba kubang neluk ubu verin ira.

Ibrani 4:13

Ia nrea ovu nkaꞌa munuk afa ovi trea ovu afa ovi wol trea ra, tevek afakataka munuk ratvelar naꞌa wahan ralan a. Ita veka tvalat Ia naꞌa afa ovi totu ra.

Wahyu 2:23

Yaꞌa veka ufedan munuk tamata ovi rorang vata yai ni afa ovi nair ra. Otu wean inyai, boma tamata ovi rorang Yaꞌa rira sidovung ra munuk rkaꞌa ne, Yaꞌa ukaꞌa munuk afa ovi tamata ra inar, ovu afa ovi ranovak naꞌa ralarira ra. Yaꞌa veka aval mia naꞌa bira rala lolin ra, te ukun mia lokat tamata ma inovan ovu afa ovi myotu ra.

Wahyu 20:6

Matmatan ovi Ubu nfavaꞌat lan ini, ira uturira ovu Ubu nfil-aling ira, tevek rorang urun Ia. Tamata avyai veka wol rtuan matmatan roak, ihin a ne, matmatan farua yai wol nkena ira. Naꞌuk ira rkarya wean mela falurut verin Ubu ovu Kristus. Ira veka rfareta ovu Kristus naꞌa Ni Fareta a, ti naran varat rivun isa.

Wahyu 22:19

Wean i tamata iki watan naling vatuk afa boku tali Ubu Ni vaivatul ovi nala roak verin Ni nabi naꞌa kitab ini, na Ubu veka wol ntorung ma tamata yai nala ni wahat tali aa vuan i nvua vavaꞌat kakiwal yai, ovu wol bisma nati vali kota i nmerat urun yai ralan a.