Kisah 5:9 - Surat Ralan na'a Vaidida

⁹ Petrus nfalak verin ia ne, “Afakinimi mirua awam ralabira isa ma mlyabir teman Ubu Ni Roh i? Eka msiꞌik! Tamata ovi beti rti roving awam a rewal roak ira ma rdiri falfolat ngoran a, ba veka rvara vali oa ma ti roving oa.”

Kisah 5:9 Σταυροειδείς Αναφορές

Matius 4:7

Yesus nfalak verin nitdawan ne, “Naꞌuk rtulis vali roak naꞌa Surat Ralan ne, ‘Tamata ra deka rlabir teman Duilaꞌa, tevek Ia Ubu i rorang a.’ ”

Lukas 16:2

Ba tamata kaꞌi yai nera ni tamata karya yai ma norat ia ne, ‘Yaꞌa urenar roak ivar naꞌa mu karya a, ba eka fwamalik munuk lahir afa ovi ala ma mususan ra, tevek oa wol bisma mususan roak ning metan ovu ning kubang ra!’

Kisah 15:10

Ba afaki notu mi mlyabir teman Ubu ma myala varvara aleman verin tamata ovi wol Yahudi ra? Deka mkyiwal tamata ovi rorang Yesus, naꞌuk wol Yahudi ira, ma rorang Musa ni inukun ra! Ita ovu ubud-nusid ra wol tvar-nala vali varvara yai.

Kisah 5:6

Varverun boku rma ma rkuma ia, ma rvara ia rti murin ma roving ia.

Roma 10:15

Tamata iki bisma nfamalik Ni Ivar Lolin yai, wean i Ubu wol nsinir ia? Rtulis roak naꞌa Surat Ralan ne, “Lolin urun i lahir, wean i tamata ra rma ma rfamalik Ubu Ni Ivar Lolin!”

Roma 3:19

Ba ita tkaꞌa ne, Ubu nfalak lahir vaivatul avyai naꞌa Musa ni inukun ra verin tamata Yahudi ra, ma rasusan rira vavaꞌat ra tali inukun avyai. Wean inyai, na wol tamata isa vali naꞌa lanit ivavan ini bisma ndava ni lola, ma Ubu deka nukun ia.

1 Korintus 10:9

Tamata boku vali tali ira rlabir teman Duilaꞌa, ba nifa ovi rira bisa dawan urun a rkokat fedan munuk lahir ira. Ba ita wol bisma tot-orang ira.