Kisah 28:2 - Surat Ralan na'a Vaidida

² Tamata ovi rleal nuhu yai rmarkai dalang ma rlobang ami. Daꞌut nsuta roak ovu radridin dawan, ba rsidovuk yafu ma rera ami ma ti amafraran.

Kisah 28:2 Σταυροειδείς Αναφορές

Matius 10:42

Tamata iki watan nala wear ngneridin gelas isa verin tamata kasian isa, tevek tamata kasian yai norang Yaꞌa, na Ubu veka naval ia naꞌa ni rala lolin a.”

Yohanes 18:18

Naꞌut inyai na radridin urun, ba Mela Falurut Ilaꞌa ni tamata sansinir ra ovu tamata ovi baꞌi rwanar Yahudi rira Rahan Dawan Falurut a, rsidovuk yafu ma rdiri rafraran. Petrus nti vali ma irmunuk rafraran naꞌa inyai.

Kisah 27:3

Ni ilyan ana, amaran kota Sidon. Yulius ini notu lolin Paulus, ba ntorung ma Paulus nsuta tali kabal, ma ti nalola ni kida ra ma rsiꞌik ia naꞌa afa ovi nperlu ra.

Kisah 28:3

Paulus nasdovu aa sanan angaran boku ma nfadoku naꞌa yafu yai. Aru isa ntali aa sanan avyai nma murin, tevek ngnea daꞌin, ma nkokat liman a.

Kisah 28:4

Tamata ovi rnaꞌa nuhu yai rsiꞌik aru i nakloꞌi Paulus liman a, na kaꞌi rsifalak afa verin ira ne, “Ita tkaꞌa basil ne, tamata ini nsifedan! Velik ne wol nmata naꞌa roal, naꞌuk dida ubu vata i nukun tamata ra wol ntorung ma nvaꞌat.”

Roma 1:14

Yaꞌa ning varvara ma musti ufamalik Ubu Ni Ivar Lolin verin tamata ovi rtali kota ovu ahu inba watan, tamata ovi raskola ra ovu vali tamata ovi wol raskola ra.

Roma 14:1

Terang a valing averi, mtyorung ma myala tamata i ni inorang verin Yesus wol nangrebat obin a, ovu lolin watan. Deka msyingarahi ovu ia naꞌa afa ovi nfikir ra.

Roma 14:3

Tamata i naꞌan afaka watan, deka nfalak sian tamata i naꞌan watan sayur, tevek Ubu ntorung roak ma nala ia ma neluk yanan. Wean vali inyai verin tamata i naꞌan watan sayur, deka nfasala tamata i naꞌan afaka watan, tevek Ubu ntorung ma nala vali ia ma neluk yanan.

Roma 2:27

Ba wean inyai, na tamata ovi wol rsunat ira, naꞌuk rot-orang Musa ni inukun ra, na ira veka rfaturu mia, tamata Yahudi ovi rsunat roak mia bira sala ra. Rotu wean inyai, tevek mia bira inukun ra ovu rsunat roak mia, naꞌuk wol myot-orang inukun avyai.

1 Korintus 14:11

Naꞌuk wean i wol ukaꞌa tamata isa ni vai a, na yaꞌa eluk tamata dakan verin tamata yai, ovu vali tamata i nala vai yai neluk tamata dakan verin yaꞌa.

2 Korintus 11:27

Karya i ufabana ini nfafrea urun yaꞌa. Yaꞌa ivaꞌung urun ma ufabana karya aleman ini, ba amar boku, na wol utuba, ublafar ovu ubroa, naꞌuk wol ufnaꞌan-ufnenu. Radridin dawan nkena yaꞌa, tevek ning kadaravit ra wol naran ma al uteri yaꞌa.

Kolose 3:11

Ba naꞌa bira vavaꞌat ngorvaꞌan i Ubu nala roak verin mia yai, byatuk bira fikiran i msyifili tamata. Fiang ini deka fyikir roak ne, tamata Yahudi te wol Yahudi, tamata ovi rsunat roak ira te wol rsunat ira obin, tamata dakan te tamata ovi wearira tamata nangan ra, tamata sansinir te wol tamata sansinir. Kristus Ni dawan a nlia munuk afa avyai ovu nleal raladida ra munuk.

Ibrani 13:2

Mia musti mtyorung ma mangun ra rnaꞌa teri bira rahan ra. Mingnanang! Tamata ovi rorang Ubu boku rtorung roak ma mangun ra rnaꞌa teri rira rahan ra, naꞌuk wol rkaꞌa ne, mangun avyai Ubu Ni sansinir tali lanit ratan.