Kisah 2:45 - Surat Ralan na'a Vaidida

⁴⁵ Amar boku, na tamata boku tali ira rfedi rira lanun ovu rira metan ra, ma rtanang kubang yai verin tamata inorang ovi rira kubang mamahin.

Kisah 2:45 Σταυροειδείς Αναφορές

Matius 19:21

Yesus nfalak verin ia ne, “Wean i inam ma mu vavaꞌat a nmalola, na muti ma fwedi munuk mu metan ra, ma mtanang kubang avyai verin tamata kasian ra. Motu wean inyai, na veka mu metan naꞌa lanit ratan, beti mwa ma morang Yaꞌa.”

Lukas 16:9

Myala metan ovi rnaꞌa lanit i vavan ini ma al myotu bira kida, boma wean i metan avyai wol fyawarira roak, na Ubu veka nala mia ti mnyaꞌa lanit ratan.

Lukas 18:22

Yesus nrenar munuk afa ovi tamata yai nfalak ra, na nfalak verin ia ne, “Teran afa isa wol motu obin. Musti fwedi munuk mu metan ra ma mtanang kubang avyai verin tamata kasian ra. Motu wean inyai, na veka mu metan naꞌa lanit ratan, beti mwa ma morang Yaꞌa.”

Lukas 19:8

Naꞌuk Zakheus ndiri ma nfalak verin Duilaꞌa ne, “Duilaꞌa, yaꞌa veka ala lahir ning metan lihir a verin tamata kasian ra, ovu veka ubahir ma nlia nala fafaꞌat verin tamata ovi ulabir nala roak ira.”

Kisah 11:29

Ba tamata ovi rorang Yesus naꞌa Antiokhia raꞌan vai isa ma rala rira kubang ra verin terarir-valirira ovi rorang Yesus naꞌa Yudea, naꞌuk wol nlia rira ngrebat ra.

Kisah 4:34

Wol tamata isa tali ira kasian ia, tevek amar boku, na tamata ra rfedi rira rahan te lanun ra ma rala kubang avyai

Kisah 4:35

verin rasul ra. Nata rtanang kubang avyai ma inovan ovu afa ovi tamata ra rperlu.

2 Korintus 9:1

Terang a valing averi! Ukaꞌa roak ne, ralabira ra lolin urun, bi myala bira kubang ra verin tamata ovi rorang Yesus naꞌa Yudea. Wol lolin ma utulis kubang avyai naꞌa ning surat a, tevek lyawan roak ovu ukaꞌa ne, inabira ma mlyobang ira, bi ufadawang roak mia verin tamata Makedonia ra. Ufalak verin ira ne, “Varat i nti roak veli, na terad a valid ovi rnaꞌa propinsi Akhaya rasdovuk roak rira kubang ra, ma veka rala ma al rlobang tamata ovi rorang Yesus.” Wean inyai, bi tamata rivun naꞌa Makedonia mane rot-orang mia, ma rasdovuk vali rira kubang ra.

2 Korintus 9:9

Wean i rtulis roak naꞌa Surat Ralan a ne, tamata i nlobang ma dawan tamata kasian ra, “Ia nala kalolin a verin tamata kasian ra, Ni vavaꞌat nmalola lalawatan, nata ti wol ni wahan.”

1 Yohanes 3:17

Iki watan ni metan ra naꞌa lanit ivavan a, ma nsiꞌik teran a valin a ni metan ra wol naran ma nvaꞌat, naꞌuk wol nkamlabir ia, na Ubu Ni silobang wol nanaꞌa roak ralan a.