Ibrani 8:9 - Surat Ralan na'a Vaidida

⁹ Tnorung ngorvaꞌan ini wol wean tnorung i otu roak ovu uburir-nusirira ra, naꞌut i utaha limarira ra ma ovun ira ma rdir-talik negara Mesir. Ira wol rot-orang afa ovi ufalak ra naꞌa Ning tnorung a, ba wol ukamlabir roak ira.

Ibrani 8:9 Σταυροειδείς Αναφορές

Markus 8:23

Ba Yesus ntaha tamata kibu yai liman a ovu nfabana ia ma rti ahu murin. Nata nafnit naꞌa tamata yai matan a ovu nfadoku liman a naꞌa matan a, beti norat ia ne, “Msirea roak?”

Kisah 13:11

Eka msiꞌik kikyai, Duilaꞌa veka nukun oa ma mkibu, ma amar ifira nelak wol mrea lera vanan a!” Paulus nfalak munuk wean inyai, na brian munuk lova nteri matan a ma wol nsirea, ma nbana nteman tia ma watan al ndava tamata ma nfabana ia.

Kisah 7:36

Musa notu mujizat ra ovu faneak ovi tamata ra wol rot-nala, ma novun Israel ra ma rban-talik Mesir. Ira rbana earira ma retal Tahat Valvulin, ovu vali rnaꞌa wan lean vu dawan ti naran varat vutfaꞌat.

Kisah 9:8

Saulus ndiri ma nvelar matan a, naꞌuk wol nrea afa isa vali. Ba rtaha liman a ma rfabana ia rti Damsyik.

Galatia 4:24

Tomu ini nfalyawang verin ita wean ini. Vata irua yai wean tnorung irua tali Ubu. Hagar wean tnorung i Ubu nala naꞌa vuar Sinai. Tnorung yai nkiwal tamata ra ma rtorung Ni inukun ra, ba wean vali inyai, vata sansinir yanan ra veka rnaꞌa watan sansinir.