Ibrani 2:3 - Surat Ralan na'a Vaidida

³ Ubu nsikat roak ita tali dida salasilan ra, ma dida vavaꞌat kakiwal. Afa i Ubu notu yai lolin urun, ba tamata ovi wol rkamlabir afa yai, na Ia veka nukun ira ma ntafal ma aleman. Duilaꞌa Yesus kaꞌi nfamalik lan Ubu Ni Ivar Lolin a. Nata tamata ovi rarenar lan roak Ivar yai tali Yesus, ti rfamalik vali verin ita ma tkaꞌa ne, Ivar yai kena lahir.

Ibrani 2:3 Σταυροειδείς Αναφορές

Matius 23:33

Mia sian mia ovu vali ububir-nusibira ra wearira nifa isa naran aru. Deka minovak ne, Ubu wol nukun mia ma miti mnyaꞌa yafwan kakiwal.

Matius 4:17

Naꞌut inyai vali, na Yesus nfamalik Ubu Ni vaivatul ra ma nfalak ne, “Myahil ma mtyalik tali bira salasilan ra, tevek sarseri roak ma Ubu nma ma nfareta tamata ra wean lahir Raja.”

Markus 1:14

Fareta ra raꞌabuꞌi roak Yohanes. Nata Yesus nti propinsi Galilea ma nfamalik Ubu Ni Ivar Lolin a.

Lukas 1:2

Ira rtulis wean lahir i trenar roak tali tamata ovi kaꞌi rsiꞌik lahir afa ovi Yesus notu tali lalan a, beti rti ma rfamalik ivar yai.

Lukas 1:69

Ia nala Tamata i Ni ngrebat a dawan urun a, ma nsikat ita tali dida salasilan ra, ma dida vavaꞌat kakiwal. Ia ubun a nusin Raja Daud i neluk tamata sansinir verin Ubu.

Lukas 24:19

Ia nfalak verin ira ne, “Mia fyalak afakinyai?” Ba rfalak ne, “Afaka nkena Yesus i ntali ahu Nazaret yai! Ia nabi Ia, ovu Ni vaivatul ra ovu afa ovi notu ra rira ngrebat naꞌa Ubu wahan ralan a, ovu tamata ra munuk waharira ralan ra.

Yohanes 15:27

Mia vali musti fyamalik afa ovi otu ra, tevek myovu roak Yaꞌa naꞌut i beti ukarya naꞌa lanit ivavan ini.”

Kisah 1:22

ntali amar ovi Yohanes nbaptis tamata ra, ti naran amar i Ubu notu ma Yesus nti talik ita ma nrata lanit ratan. Tamata i veka tfili ia yai musti nkarya ovu ita ma nfamalik ne, Yesus nvaꞌat ewal roak.”

Kisah 2:22

Terang a valing Israel averi, eka mryenar afa ovi ufalak ini! Yesus i ntali ahu Nazaret yai, Ubu nsinir roak Ia ma nma verin mia. Ubu nala ngrebat verin Ia ma notu mujizat ra ovu faneak ovi tamata ra wol rot-nala, ovu vali nfaturu Ni ngrebat a ma tamata ra rtalkaka. Bir tinemun mkyaꞌa roak afa ovi notu ra, tevek msyiꞌik munuk roak.

Kisah 4:12

Yesus aꞌuk saꞌi nsikat ita tali dida salasilan ra, ma dida vavaꞌat kakiwal. Ubu wol nfili tamata liak isa vali naꞌa lanit ivavan ini ma nsikat ita tali dida salasilan ra.”

Roma 11:14

Otu wean inyai, na snain ot-nala ma ning tamata Yahudi ra inar urun kalolin ovi mia, tamata ovi wol Yahudi ra bira roak, tevek Ubu notu ma bira vavaꞌat ra rmalola. Inak ma tamata Yahudi rsiꞌik kalolin i myala roak yai, boma boku tali ira inar ma rorang vali Duilaꞌa Yesus, wean lahir mia. Wean i rorang Ia, na Ubu veka nsikat ira tali rira salasilan ra, ma rira vavaꞌat kakiwal.

Roma 2:3

Wean i fyaleka inukun verin tamata liak naꞌa afa ovi rotu ra, naꞌuk mia myotu vali afa avyai, na deka fyikir ne, Ubu Ni inukun a veka wol nkena mia.

1 Korintus 1:21

Ubu Ni kakaꞌa dawan urun ma nvolan wean ini: tamata ovi rnaꞌa lanit ivavan ini rira kakaꞌa dawan, naꞌuk ira wol rkaꞌa Ubu naꞌa rira kakaꞌa ra. Ubu nfadoku roak ma nsikat tamata ovi rorang Ia tali rira salasilan ra, nahu Ni Ivar Lolin i amfamalik roak a, ma rira vavaꞌat kakiwal. Ia notu wean inyai, velik ne tamata ovi wol rkaꞌa Ubu rfalak ne, Ivar yai vu watan.

1 Tesalonika 5:3

Naꞌa amar i veka nma yai, na tamata ra rfalak ne, “Tamata ra malinan watan, ba wol vangoa-vanga roak.” Brian munuk, na rtuan susa i dawan ilaꞌa ovu wol rafla talik nala! Ira veka wearira vata i nfarnuang wawaꞌuk naꞌut i mane nrali ia, ba Ubu nukun ira ovu wol rfonak nala tenarira ra.

1 Timotius 1:15

Vaivatul ovi kena lahir, ba fara tamata ra munuk veka rorang. Vaivatul ovi wean ini, “Kristus Yesus nma lanit ivavan a ma nsikat tamata ra tali rira salasilan ra, boma rira vavaꞌat kakiwal.” Yaꞌa ning salasilan ra rlia munuk tamata ra.

Titus 2:11

Mair afa avyai, tevek Ubu nfaturu roak Ni rala lolin verin tamata ra munuk, boma nsikat ira tali rira salasilan ra, ma rira vavaꞌat kakiwal.

Ibrani 1:1

Terang a valing averi, lalan ana Ubu nangrihi ma rivun roak verin ubud-nusid ra nahu Ni nabi ra. Ia nala lingaꞌan rivun ma nangrihi verin ira.

Ibrani 1:14

Ba ita tanovak aka naꞌa Ubu Ni sansinir ovi rnaꞌa lanit ratan a? Sansinir avyai, roh ovi Ubu nsinir roak ira ma rlobang tamata ovi Ia nsikat roak ira tali rira salasilan ra, ma rira vavaꞌat kakiwal.

Ibrani 1:2

Naꞌuk naꞌa amar ovi lanit ivavan a mane namwear roak ini, na Ubu nangrihi roak verin ita nahu Yanan a. Ubu nfalak ma Yanan a notu lanit a ovu afa ovi rnaꞌa lanit ivavan munuk. Ia nfadoku roak ma Yanan a veka Ni munuk afakataka.

Ibrani 12:25

Ba wean inyai bi msyiꞌik wabira ma lolin, betane mifena ma mryenar i Ubu nangrihi verin mia. Wean i lan a, tamata Yahudi rafena ma rarenar Ubu Ni vaivatul ra naꞌa lanit ivavan ini, na ira wol ralit tali Ni inukun a. Ba wean i tafena ma trenar Ubu i nangrihi tali lanit ratan a, na wean inba ma bis dida vavaꞌat kakiwal?

Ibrani 4:1

Terang a valing averi, Ubu Ni tnorung nanaꞌa obin. Ni tnorung nfalak ne, iki watan norang Ia, na veka nyari ia ovu Ubu. Ba msyiꞌik wabira ma lolin, beta ne tamata boku tali mia wol bisma ti ryari ira, wean lahir i Ubu nfalak roak naꞌa Ni tnorung yai.

Ibrani 4:11

Mya ma did tinemun tkiwal ovu ralad urun ma tyari ita ovu Ubu. Totu wean inyai, boma deka tamata isa vali tali ita nleka naꞌa ni inorang a, wean tamata Yahudi ovi lalan a rafena ma rorang Ubu, ba wol ryari ira ovu Ia.

Ibrani 5:9

Ubu nfaturu roak ne, Yesus saꞌi wol Ni salasilan. Ia neluk lingaꞌan ma nsikat tamata ra tali rira salasilan ra, ma rira vavaꞌat kakiwal. Ia notu wean inyai verin tamata ovi rot-orang afa ovi nfalak ra, nata ti wol ni wahan.

Ibrani 9:28

Kristus wean vali inyai. Ia nala tenan a ma nmata fasa watan ma naꞌi vatuk tamata rivun rira salasilan ra. Ia veka nma ewal, naꞌuk wol mane nmata ma ntevut dida salasilan ra. Ia veka nma verin tamata ovi rnaban Ia, ma nsikat ira tali rira salasilan ra, ma rira vavaꞌat kakiwal.

1 Yohanes 1:1

Surat ini nfamalik ne, tali lalan a, naꞌut i Ubu beti notu lanit ivavan a, na Ni Vaivatul i nala vavaꞌat verin tamata ra, nanaꞌa roak. Amrenar Ia ovu amrea Ia ovu matamami ra. Ami amsiꞌik roak Ia ovu amkena roak Ia ovu limamami ra.

Yudas 1:17

Terang a valing averi, ulobang urun mia. Mingnanang afa ovi lan a dida Duilaꞌa Yesus Kristus Ni rasul ra rfalak roak verin mia.

Wahyu 7:10

Ira rafwak ma vairira dawan ilaꞌa ne, “Amraning Ubu, tevek notu lingaꞌan ma nsikat ami tali mami salasilan ra, ma mami vavaꞌat kakiwal. Amraning mami Ubu i ndoku Ubu wan i nfareta! Amraning Domba Yanan a!”