Ibrani 12:9 - Surat Ralan na'a Vaidida

⁹ Yamadida lalean ovi rnaꞌa lanit ivavan a rsurak a rair ita ovu talang ira. Ba wean inyai, na wean inba ovu Yamadida i naꞌa lanit ratan a? Ita musti talang ovu trenar Ia, nlia tali yamadida ovi rnaꞌa lanit ivavan ini, boma bisma dida vavaꞌat kakiwal.

Ibrani 12:9 Σταυροειδείς Αναφορές

Lukas 18:2

Ia nfalak ne, “Tamata isa i baꞌi nfaleka inukun nleal kota isa. Ia wol nbobar Ubu ovu wol nkamlabir tamata isa vali.

Lukas 18:4

Yaꞌi mnanat, na tamata inukun yai wol nkamlabir lahir varu yai, ti nata nanovak naꞌa ralan a ne, ‘Velik ne wol ubobar Ubu ovu wol ukamlabir tamata isa vali,

Yohanes 3:6

Tamata ra rarali tamata ra, naꞌuk Ubu Ni Roh nala vavaꞌat ngorvaꞌan naꞌa tamata ralarira ra.

Kisah 2:30

Daud nabi ia, ba nkaꞌa roak ne, Ubu nala tnorung verin ia ovu nafwaba verin ia ne, tali Daud ubun nusin ra, na veka nsikat tamata isa ma neluk Raja i ntevut dida salasilan ra, ma ndoku wan i Daud ndoku ma nfareta.

Roma 1:3

Ubu Ni Ivar Lolin yai nfamalik Ubu Yanan a Yesus Kristus i dida Duilaꞌa verin Ia. Eka tanovak naꞌut i Yesus nleal lanit ivavan a ma neluk tamata, na Ia ubun-nusin Raja Daud. Naꞌuk eka tanovak ne, Yesus Duilaꞌa Ia. Ubu nfaturu lahir ovu Ni ngrebat ne, Yanan Ia naꞌut i nfavaꞌat ewal Ia tali matmatan ovu Ni Roh i nmerat urun.

Roma 9:3

verin terang a valing tamata Yahudi ra, tevek wol rorang Kristus. Yaꞌa utorung ma Ubu near nfasoba yaꞌa, ovu nfaroa yaꞌa tali Kristus, boma nlobang ira ma rorang Kristus.

Roma 9:5

Ira ini, uburir-nusirira verin Abraham, Ishak ovu Yakub. Naꞌut i Kristus neluk tamata, na Ia ubun-nusin vali ira. Kristus Ubu Ia, ovu Ni dawan nlia munuk afakataka, ba musti tfadawang Ia, nata ti wol ni wahan. Kena urun!

Yakobus 4:10

Fyakabava tenabira ra naꞌa Duilaꞌa wahan ralan a, na Ia veka nsikat mia ovu nalang mia.

Yakobus 4:7

Ba mia musti fyakabava tenabira ra verin Ubu, ovu myorang afa ovi nfalak ra. Myotu wean inyai, na myangal roak nitdawan ni afa ovi notu ra, ba veka nafla talik mia.

1 Petrus 5:6

Ba fyakabava tenabira ra naꞌa Ubu wahan ralan a. Ia Ni ngrebat dawan urun. Myotu wean inyai, ma naran amar i nfadoku roak a, na Ia veka nsikat mia ma nalang mia.

Wahyu 22:6

Ubu Ni sansinir tali lanit ratan yai nfalak ewal verin yaꞌa ne, “Vaivatul ini kena, ovu bisma myorang lahir. Ubu nala Ni Roh verin nabi ra, ma nsinir Ni sansinir ntali lanit ratan nma ma nfaturu verin Ni tamata sansinir ra naꞌa afa ovi veka rvotuk lahir a.”