Ibrani 10:4 - Surat Ralan na'a Vaidida

⁴ Kena urun, tevek sapi brana te bibi brana laran wol bisma naꞌi vatuk tamata rira salasilan ra.

Ibrani 10:4 Σταυροειδείς Αναφορές

Markus 12:33

Tlobang Ubu ovu ralad urun, ovu tala munuk dida kakaꞌa ra ovu vali tala munuk dida ngrebat ra ma al tlobang Ia. Tlobang tamata liak wean i tlobang tenadida ra, na inyai lolin lia munuk tali dida afwatan ra, te dida korban liak ovi tala ma veka rasnuri ira verin Ubu.”

Yohanes 1:29

Ni ilyan ana, Yohanes nsiꞌik Yesus nma ma ntuan ia, ba nfalak ne, “Eka msyiꞌik! Ubu Ni Domba Yanan i veka nmata al naꞌi vatuk tamata ovi rnaꞌa lanit ivavan a rira salasilan ra.

Roma 11:27

Ubu nfalak ne, ‘Yaꞌa veka otu tnorung ini verin ira, ma veka uma ma aꞌi vatuk rira salasilan ra.’”

Ibrani 10:1

Terang a valing averi! Musa ni inukun ra reluk faneak watan naꞌa afa lolin ovi Ubu veka nala verin ita. Ita wol tatuan afa lolin avyai tevek tot-orang inukun avyai. Naꞌa Yahudi rira inukun avyai, na varat nkati varat a, tamata ra rti ma rala rira korban ra verin Ubu, naꞌuk rira korban ra wol rfamerat nal ralarira ra.

Ibrani 10:11

Lokat amar, na Yahudi rira mela falurut ra munuk rdiri ma rfabana rira karya ra, ma rala lalawatan tamata ra rira afwatan ovu afa liak ovi rala ma reluk korban. Naꞌuk rira korban avyai munuk wol rot-nala ma Ubu naꞌi vatuk rira salasilan ra.

Ibrani 10:8

Kristus nfalak lan roak verin Ubu ne, “Oa wol inam lahir afwatan ovi tamata rala ma reluk rira korban, ovu afa liak ovi tamata ra rala ma reluk rira persembahan ra. Oa wol inam vali ma tamata ra rala rira afwatan ra verin mela falurut ra ma rasnuri, ma reluk rira korban, ovu afa liak ovi tamata rala ma reluk rira korban verin Ubu ma al rkati rira salasilan ra.” Kristus nfalak wean inyai, velik ne rfadoku roak afa avyai naꞌa Musa ni inukun ra.

Ibrani 9:9

Afa avyai rfalyawang ne, fiang ini afwatan ovi tamata ra rala ma reluk rira korban ovu afa liak ovi rala ma reluk rira persembahan verin Ubu, wol bisma rfamerat tamata ralarira ilaꞌa ra tali salasilan ovi rotu ra.

1 Yohanes 3:5

Mia mkyaꞌa roak ne, Yesus Kristus nma lanit ivavan ini ma naꞌi vatuk dida salasilan ra, ovu mkyaꞌa vali ne, Ia wol Ni salasilan lahir.