Ibrani 1:9 - Surat Ralan na'a Vaidida

⁹ Wean i tamata ra rotu afa ovi kena ra, na Oa ralam a lolin urun, naꞌuk wean i rotu afa ovi sian ra, na Oa wol inam lahir. Ba Ubu, Duilaꞌa i morang Ia yai, nalang Oa nlia tali Mu kida liak ra: Ia nliꞌi ngul naꞌa Oa ma neluk faneak ne, nalang Oa ma notu ma ralam lolin urun.”

Ibrani 1:9 Σταυροειδείς Αναφορές

Lukas 4:18

“Ubu Ni Roh a nleal Yaꞌa, ba wean inyai bi nfili Yaꞌa ma ufamalik Ni Ivar Lolin verin tamata ovi rira kasian ra. Ia nsinir Yaꞌa ma ufalak verin tamata ovi rkeak roak ira ne, rfatalik roak ira. Ia nsinir vali Yaꞌa ma otu ma tamata ovi rkibu ra rsirea ewal, ovu vali veka ufatalik tamata ovi tamata liak ra rwi-rwa ira.

Yohanes 1:41

Ia nti lahir ma ntuan Simon ma nfalak ne, “Ami amtuan roak Raja i ntevut dida salasilan ra (ihin a ne, Kristus).”

Yohanes 10:17

Yamang a nlobang Yaꞌa, tevek utorung ma umata, boma bisma uvaꞌat ewal.

Yohanes 20:17

Yesus nfalak verin ia ne, “Deka mtaha Yaꞌa, tevek wol urata verin Yamang obin. Muti ma mtuan terang a valing ra ma fwalak verin ira ne, ‘Yaꞌa veka uti verin Yamang a ovu Yamabira a, ovu vali verin Ning Ubu a ovu bira Ubu a.’ ”

Yohanes 3:34

Ubu nsinir Ia ma nfamalik Ni vaivatul ra, tevek nfangora lahir Ia ovu Ni Roh a.

Kisah 10:38

Bir tinemun mkyaꞌa roak Ivar naꞌa Yesus i ntali ahu Nazaret. Ubu nfili Ia ma nala Ni Roh ma nleal Ia, ovu nala ngrebat verin Ia. Ubu novun Ia, ba ti notu afa lolin rivun naꞌa wan inba watan naꞌa Israel, ovu notu ma tamata ovi nitdawan nleal ira, lolin ewal ira munuk.

Kisah 4:26

Raja ovi rnaꞌa lanit ivavan rasusan warira mane rotu rihi, ovu vali mela dawan ra rasdovu ira ma raꞌan vai isa ma rangal Duilaꞌa ovu Ni Raja i ntevut dida salasilan ra.’

Kisah 4:27

Daud nfalak kena, tevek Raja Herodes irua gubernur Pontius Pilatus rasdovu roak tamata Israel ra ovu ovi wol Israel ra naꞌa Yerusalem, mane rangal Yesus, Mu Sansinir i nmerat urun. Oa fwili roak Ia ma neluk Raja i ntevut dida salasilan ra.

Roma 12:9

Terang a valing averi! Mia musti mlyobang tamata ra ovu ralabira urun. Byatuk bira fikiran sian ra, ovu deka myotu afa ovi sian ra. Myotu aꞌuk lolin a.

Roma 15:13

Ubu saꞌi notu ma ita tnaban afa lolin ovi Ia veka nala verin ita. Ba uflurut verin Ia ma fara notu ma ralabira lolin. Fara Ia notu vali ma bira vavaꞌat ra malinan, tevek myorang Duilaꞌa Yesus. Notu wean inyai, boma Ni Roh nfangrebat ralabira ra ovu Ni ngrebat a, ma mtyafal ma fyakloꞌi aꞌuk bira vavaꞌat ra verin Ia.

1 Korintus 1:9

Ubu veka nfangrebat mia, tevek Ia wol nablufang Ni tnorung i nala roak verin mia. Ia nera mia ma bira vavaꞌat isa roak ovu Yanan a Yesus Kristus. Wean inyai bi ufalak fara weninyai verin Ubu.

2 Korintus 11:31

Fara traning Ubu i dida Duilaꞌa Yesus Yaman verin Ia, nata ti wol ni wahan. Ia saꞌi nkaꞌa ne, wol usiklabir naꞌa afa ovi ufalak ra.

Galatia 5:22

Naꞌuk tamata ovi Ubu Ni Roh nleal ralarira ra, ira rira vavaꞌat a wean ini: rsilobang ira, ralarira lolin urun, ralarira ra malinan watan, rtahang nal ralarira, rmarkai, rira vavaꞌat ra rmalola ovu inar ma rotu lolin a verin tamata ra, rot-orang lalawatan afa ovi rfalak ra,

Efesus 1:3

Tfadawang Ubu i dida Duilaꞌa Yesus Kristus Yaman verin Ia. Ubu naflahar roak ita ovu Ni kalolin a munuk tali lanit ratan ma nlobang raladida ra, tevek dida vavaꞌat isa roak ovu Yesus Kristus.

Filipi 2:9

Yesus notu wean inyai, bi Ubu nfadawang urun Ia ovu nalang Ia ma nala van i dawan lia munuk a verin Ia,

Ibrani 2:11

Yesus naꞌi vatuk roak dida salasilan ra, ba Ia notu ma dida vavaꞌat ra rmerat urun. Yesus ovu ita tamata ovi notu roak ma dida vavaꞌat ra rmerat urun a, Yamadida isa watan. Wean inyai bi, Yesus wol nmaꞌit ma nfalak ne, Ni tiniman ita.

Ibrani 2:9

Naꞌuk ita tkaꞌa roak ne, Yesus Ni ngrebat ma nfareta afakataka munuk! Naꞌut i Ia nleal lanit ivavan ini, na Ubu notu ma Ni sansinir ovi rnaꞌa lanit ratan rira dawan nlia kedan Ia watan, naꞌuk wol mnanat. Fiang ini Ubu nfakaratat Ia ovu nalang ma dawan Ia, tevek ntuan susa dawan ma nmata. Ubu Ni rala lolin a, bi Yesus nmata ma al nakvanak tamata ra munuk tali rira salasilan ra.

Ibrani 7:26

Yesus Ni vavaꞌat a lolin urun, ba inovan ma neluk Mela Falurut Ilaꞌa verin ita. Ia Ni vavaꞌat a nmerat urun, wol notu afa sala, ovu wol Ni salasilan. Ia Ni vavaꞌat a naling ia tali tamata salasilan ra, ovu vali Ubu nala Ia ma nrata roak lanit ratan ma naꞌa wan i karatat lia munuk.

1 Petrus 1:3

Terang a valing averi, mya ma tfadawang Ubu i dida Duilaꞌa Yesus Kristus Yaman verin Ia. Ia nfaturu Ni silobang a verin ita, bi nala roak vavaꞌat ngorvaꞌan verin ita. Ia nfavaꞌat ewal roak Yesus Kristus tali matmatan, bi dida vavaꞌat ngorvaꞌan kakiwal yai. Notu wean inyai, boma tfakloꞌi aꞌuk dida vavaꞌat ra naꞌa Ia, tevek tkaꞌa urun ne, Ia veka not-nala afa lolin ovi nfadoku roak a.

1 Yohanes 1:3

Afa ovi amsiꞌik ovu amrenar roak yai, amfamalik vali verin mia, boma raladida isa naꞌa dida sidovung a. Ralad isa vali ovu Yamadida, ovu Yanan a Yesus Kristus.

Wahyu 2:15

Tali bir tinemun, na boku vali rorang afa ovi wol kena ra tali afa ovi Nikolaus ni tamata ra rair ra.