Filemon 1:17 - Surat Ralan na'a Vaidida

¹⁷ Wean i munovak ne, itrua kida tevek torang Ubu, na mal-ewal ia wean watan i mala yaꞌa.

Filemon 1:17 Σταυροειδείς Αναφορές

Matius 10:40

Tamata iki watan notu lolin mia, na ia notu lolin roak Yaꞌa. Tamata iki watan notu lolin Yaꞌa, na ia notu lolin roak Ubu, tevek Ia nsinir Yaꞌa.

Matius 18:5

Tamata iki watan nalang kasikoꞌu ra wean kasikoꞌu ini tevek narang a, na ia nalang roak Yaꞌa.

Matius 25:40

Raja Yaꞌa ini veka ufalak verin ira ne, ‘Afa i ufalak verin mia ini, kena urun! Naꞌut i myotu wean inyai verin terang a valing ovi rira kasian a dawan, na inyai wean i myotu roak verin Yaꞌa.’

Kisah 16:15

Ira rbaptis ia ovu ni rahan teta a. Nata vata yai nera verin ami ne, “Ning kida averi, wean i mkyaꞌa roak ne, yaꞌa orang urun Duilaꞌa Yesus, na mya ma milola ami naꞌa ning rahan veki.” Ia nkiwal nala ami ma amnaꞌa ni rahan.

2 Korintus 8:23

Titus yai, ning kida i amamunuk amkarya ma amlobang mia. Tamata ovi rorang Yesus rira sidovung ra rfili terad a valid irua yai. Rira afa ovi rotu ra, rotu ma tamata ra rfadawang Kristus.

Efesus 3:6

Afa ovi Ubu nfalyawang roak yai wean ini: tamata ovi rorang roak Ubu Ni Ivar Lolin a, velik ne wol Yahudi ira, na Ia naflahar ira wean i nfadoku roak verin tamata Yahudi ra. Tamata Yahudi ra ovu ovi wol Yahudi ra isa roak ira ovu Kristus Yesus ma rnaꞌa sidovung isa. Ba tamata ovi wol Yahudi ra rira vali kalolin i Ubu ntorung roak verin Ni tamata ovi rorang Ia.

Filipi 1:7

Wean urun inyai bi ungnanang munuk mia, tevek mnyaꞌa ralang a. Ubu nfaturu Ni rala lolin verin ita ma mlyobang roak yaꞌa ma tkarya ma tfamalik Ni Ivar Lolin a. Myotu wean inyai, naꞌut i unaꞌa buꞌi ralan te naꞌa amar ovi rti roak veli, na ufalyawang verin tamata ovi rfalak sian Ivar Lolin yai, ovu ufaturu lahir ne, Ivar yai kena munuk.

1 Timotius 6:2

Tamata sansinir ovi duarira ra rorang Ubu, na ira musti ralang duarira ra, tevek irmunuk rorang Yesus. Fiang ini, rira karya verin duarira ra musti lolin lia lan a, tevek irmunuk duarira ra rira inorang a wear isa, ovu Ubu nlobang vali ira. Baba, msurak a mair ma lolin afa avyai verin ira, boma rorang.

Filemon 1:10

Mane era verin oa ma mlobang tamata isa i wean yanak ia, naran Onesimus. Unaꞌa buꞌi ralan, na nma nalola yaꞌa, ma ulobang roak ia ma nkaꞌa Ubu.

Filemon 1:12

Yaꞌa ulobang ma dawan Onesimus, naꞌuk ufalak ma newal ia ti ma nlolak oa.

Filemon 1:18

Wean i lan a nfaruki roak oa, te ni utan naꞌa oa, na yaꞌa ki uvara munuk afa avyai.

Ibrani 3:1

Ba terang a valing ovi myorang Ubu, bira vavaꞌat ra rmalola, ovu Ubu nfili roak mia ma veka ti mnyaꞌa lanit ratan. Fara minovak ma lolin naꞌa Yesus. Ita torang ne, Ia neluk Ubu Ni rasul, ovu neluk Mela Falurut Ilaꞌa verin ita.

Ibrani 3:14

Tevek dida vavaꞌat isa roak ovu Kristus, ovu veka dida munuk afa lolin ovi Ubu nala roak verin Ia. Naꞌuk musti tot-orang lalawatan afa ovi Ubu nfalak ra, tali amar i beti torang Ia ma ti naran i wol dida amar roak.

Yakobus 2:5

Terang a valing averi, yaꞌa ungnanang dalang mia. Eka mryenar: Ubu nfili tamata kasian ovi rnaꞌa lanit ivavan ini ma notu ma rira inorang nangrebat. Ia nfili roak ira ma rnaꞌa Ni Fareta a, ovu veka nala vavaꞌat kakiwal i ntorung roak verin tamata ovi rlobang Ia ovu ralarira urun.

1 Petrus 5:1

Yaꞌa era urun verin mia dawan kareda ovi myeluk penatua ma mryenar yaꞌa. Yaꞌa vali dawan kareda i eluk penatua, wean mia, ovu yaꞌa unaꞌa ma usiꞌik roak Kristus naꞌut i ntuan susa a. Yaꞌa veka unaꞌa vali Yesus Kristus vanan i nfitik a nyadat, naꞌut i Ubu nsinir ewal Ia ma nma lanit ivavan a.

1 Yohanes 1:3

Afa ovi amsiꞌik ovu amrenar roak yai, amfamalik vali verin mia, boma raladida isa naꞌa dida sidovung a. Ralad isa vali ovu Yamadida, ovu Yanan a Yesus Kristus.