1 Korintus 3:15 - Surat Ralan na'a Vaidida

¹⁵ Wean i yafu nasnuri nala rira karya ra, na ira raruki ma dawan. Naꞌuk Ubu veka nsikat ira tali rira salasilan ra, boma rira vavaꞌat kakiwal. Naꞌuk wearira lahir tamata ovi rfaturu lingaꞌan ma raling vatuk tamata ra tali yafu ralan ma rti murin.

1 Korintus 3:15 Σταυροειδείς Αναφορές

Kisah 27:21

Amar ifira roak wol rafnaꞌan, ba Paulus ti ndiri waharira ralan ma nfalak ne, “Did tinemun! Ni lolin a, na myorang ning snurak ovi lan ufalak roak verin mia ma deka taroal talik Kreta, boma kabal a deka sian, ovu deka tvatuk vnuat ra.

Kisah 27:44

Tamata ovi rban-muri ra rtobur ma rtaha kba etal te kabal van boku ma rara ngur. Rotu wean inyai, bi tamata ra munuk rda rdir-ear.

1 Petrus 4:18

Rtulis roak naꞌa Surat Ralan wean ini, “Tamata ovi rot-orang afa ovi Ubu ralan nfalak a musti rtuan susa veki, beti Ia nsikat ira tali rira salasilan ra, ma rira vavaꞌat kakiwal. Naꞌuk tamata salasilan ra ovu tamata ovi wol rorang Ubu veka rtuan inukun i aleman urun.”

2 Yohanes 1:8

Msyiꞌik wabira ma lolin, betane karya ovi amotu roak verin mia yai wol ihirira. Ivaꞌubira, boma Ubu naval mia naꞌa bira rala lolin ra.

Yudas 1:23

Mlyobang tamata ovi rleka naꞌa salasilan ra, wean lahir i myala ira tali yafu i mane narang ira. Fyaturu bira silobang verin ira, naꞌuk msyiꞌik wabira ma lolin, boma deka mlyeka naꞌa rira salasilan ovi rotu tali rira ininan sian ra. Fyaroa mia tali rira salasilan ra, wean lahir i wol inabira kadaravit ovi ngra ngrodi ra.

Wahyu 3:18

Wean inyai bi, usurak mia ma fyaha masa tali Yaꞌa, boma mkyaꞌi naꞌa bira inorang a. Masa yai rasnuri roak ia naꞌa yafu ma rfamasa roak ia. Mia vali musti fyaha kadaravit ngangiar tali Yaꞌa ma myeluk, boma deka myaꞌit, tevek tamata ra rsiꞌik bira kadaravit vian ra. Mia vali musti fyaha ubat tali Yaꞌa ma naꞌa matabira ra, boma msyirea ma lolin. Fyaha munuk afa avyai, boma Ubu nfakaꞌi mia naꞌa bira inorang.