Sofonías 2:11 - Biblia Enxet

¹¹ Asagkók agko' sa' katnehek apteméssesakxa Wesse' egegkok ma'a énxet'ák nak. Emasséssók sa' ekyókxoho aqsok kéláyókxa nak chá'a m'a apchókxa, sa' aqsa wánxa kólpeykeshok chá'a ekyókxoho apheykegkaxa m'a, kawakxohok sa' ma'a énxet'ák apheykha nak neyáwa wátsam ekwányam.

Sofonías 2:11 Σταυροειδείς Αναφορές

Génesis 10:5

Cháxa Jafet axta aptawán'ák neptámen xa, apheykencha'a axta neyáwa wátsam ekwányam. Apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Salmos 138:4

Apyókxoho apkelwesse'e apkelwányam sa' elpeykeshok xép apheykha nak keso náxop, apkelleg'a enxoho aqsok apmáheyo elának xép.

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Isaías 2:18

Emasséssók sa' ekyókxoho m'a aqsok kéleykmássesso.

Isaías 2:20

Ekxakkasek sa' aqsok kéleykmássesso apagkok énxet'ák pomo'o tén han mépop xa ekhem nak, cham'a kéleykmássesso sawo ekyátekto élmomnáwa tén han ma'a sawo ekmope élmomnáwa nak apkelánéyák apancha'awók axta chá'a yaqwayam elpeykesho',

Isaías 42:10

Kólmeneykmásses Wesse' egegkok negmeneykmasso axnagkok; kólpeykesho kélheykha nak makhawók agko' keso náxop, cham'a kélxega nak chá'a neyseksa wátsam ekwányam tén han ma'a aqsok élleykha nak ma'a kañe', tén han ma'a apkelókxa ekhéyak nak neyáwa wátsam ekwányam yetlo m'a énxet'ák apheykha nak ma'a kañe'.

Isaías 42:4

Mellókasek sa' apyampé, meyelqakpek sa' nahan, ekwokmoho aptaqmelchessásekxo apheykha énxet'ák keso náxop. Eleyxmakha sa' chá'a nélxekmowásamáxche' apagkok ma'a énxet'ák apheykha nak neyáwa wátsam ekwányam.”

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Jeremías 10:11

(Énxet'ák Israel, kólteme kólának énxet'ák melya'áseyak nak Dios se'e: “Aqsok kéláyókxa, megkatnaha nak élane néten, tén han xapop, kalmassegwók sa' keso náxop; megkeymaxcheyk sa' xama enxoho s'e kóneg yaphope nak.”)

Jeremías 46:25

Aptáhak Wesse' ekha apyennaqte Dios apagkok nak Israel se'e: “Añássesagkohok sa' ko'o m'a Amón, aqsok kéláyókxa nak Tebas, tén han ma'a Egipto, yetlo m'a aqsok apkeláyókxa nak, tén han kelwesse'e apkelwányam apagkok, tén han faraón, yetlo m'a énxet'ák ektáha nak chá'a apcháyo.

Daniel 11:18

Keñe sa' ektamagkok han ma'a tegma apkelyawe aphéyak nak neyáwa wátsam ekwányam, elmok sa' han apxámokma m'a; xama sẽlpextétamo wesse' sa' eyke emasséssók xa ektémakxa nak megkannawagko, emegqaksek sa' ma'a wesse' apwányam apha nak nexcheyha.

Oseas 2:17

Kamaskok sa' kaxwók kalxének élwesey m'a Baales, megkalxénaxcheyk sa' nahan chá'a kaxwók xa.

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Sofonías 1:4

“Allegássesagkohok sa' ko'o m'a énxet'ák Judá tén han ma'a apyókxoho apheykha nak Jerusalén. Amasséssók sa' ekyókxoho ekheykegkokxa nak natámen Baal se'e yókxexma nak, cham'a aqsok kéláyókxa ekmowána amya'a nak, ekweykekxoho apkelwesey m'a apkelmaxnéssesso nak chá'a énxet'ák agkok.

Sofonías 3:9

“Wokmek sa' agkok xa, amasséssesek sa' ko'o ektémakxa nak chá'a apkelpeywa ekmaso m'a énxet'ák, yaqwayam sa' hewónmakha chá'a ko'o m'a apyókxoho nak, tén han hetnéssesek ko'o wánxa xama sétleykha.

Zacarías 13:2

Amasséssamhok ahagko' sa' ko'o élwesey aqsok kéláyókxa ekyókxoho s'e apchókxa nak, yaqwayam sa' megkóllenxanmagkók chá'a kélwóneykha. Amasséssók sa' nahan apchókxa m'a Dios appeywa apkellegasso apkelmopwancha'a amya'a nak tén han ma'a espíritu élmanyása nak. Ekxénchek ko'o xa, sektáha nak Wesse'.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.

Zacarías 8:20

Keso aptáhakxa nak appeywa Wesse' ekha nak apyennaqte s'e: “Elxegmak sa' makham énxet tén han ma'a apheykha nak apyókxoho tegma apkelyawe.

Zacarías 8:23

Diez énxet sa' chá'a emássesagkok aptaxno xama Judío énxet xa ekhem nak, cham'a apkeleñama nak chá'a mók apkelókxa, keñe sa' etnehek chá'a yának se'e: ‘¡Negmakók negko'óxa ólyetlakxak kéxegke, hakte nenlegayak chá'a amya'a apha kélnepyeseksa m'a Dios!’”

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.

Deuteronomio 32:38

ekteykegko nak chá'a pexmok agkok ma'a aqsok kélnapma, ekyeneykegko nak chá'a m'a vino kélmésso? ¡Tásek sa' kalchempekxak néten kapásegwata'! ¡Tásek sa' kalyo'óták kalmeyágwata'!