Sofonías 2:10 - Biblia Enxet

¹⁰ Cháxa yaqwánxa sa' katnehek apkelxawéyak ekyaqmageykekxa apkeltémakxa m'a énxet'ák Moab tén han ma'a Amón, eñama apkelxéneykha ekmaso m'a Wesse' egegkok énxet'ák apagkok, tén han eñama apkelyennaqteyásamákpoho apkelyementaméyak chá'a xapop apagkok ma'a Wesse' ekha nak apyennaqte énxet'ák apagkok.

Sofonías 2:10 Σταυροειδείς Αναφορές

1 Crónicas 16:21

axta eyke yahayók Dios enaqtawasagkohok xama énxet enxoho; weykmók axta han aptéma apkelanagkama kelwesse'e apkelwányam se'e:

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Éxodo 9:17

Apkelenxanmeykegkok eyke makham xeyep apkelmasma m'a énxet'ák ahagkok, megyahayók nahan elxog.

Isaías 16:6

Negya'ásegkók ektémakxa nak ekyawe apkeleymákpoho m'a énxet'ák Moab: éleymáxkoho apkelwáxok, apkene etnahágkok néten kéláyo, meleysso eleykpoho' tén han apkelpaqméteykha naqsa ekteme nak mékoho.

Jeremías 12:14

Aptáhak Wesse' egegkok apkelxéna énxet'ák élmasagcha'a nak apkeltémakxa, apheykencha'a nak neyáwa Israel, aptawassáseykencha'a nak xapop apmeyáseykekxa axta m'a énxet'ák apagkok Israel: “Alántekkesek sa' ko'o apheykegkaxa nak xapop apagkok xa, keñe sa' alántekkesek énxet'ák Judá m'a nepyeseksa nak.

Jeremías 48:14

“Énxet'ák Moab, nágkólteme aqsa kólpaqmétek se'e: ‘Kalyeyha'ak negko'o egwáxok, kempakhakma yapmeyk apkelyennaqte negko'o.’

Jeremías 48:29

Negya'ásegkók negko'o ektémakxa apkeleymákpoho ekyawe m'a énxet'ák Moab: éleymáxkoho apkelwáxok, apkene etnahágkok néten, tén han wánxa kéláyo.

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Ezequiel 25:6

“Ektáhak ko'o sekpeywa s'e, sektáha nak Wesse': Énxet'ák Amón, kéltekpageykha axta kéxegke kélmék yetlo kélnextegeykha néten kélátseykencha'a, kélasméssegkek axta nahan kélwanyeykencha'a m'a Israel.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Abdías 1:11

Apyetnakha'ak axta aqsa exchep apkelmenyexágko axta aqsok tegma apwányam ma'a apkelenmexma nak Jerusalén, tén han apkelekkexa axta atña'ák ma'a sẽlpextétamo. Xama axta apmelassékpo aqsok apkelméyak tén han apkelsákxo, apheyásekpok axta exchep ma'a.

Abdías 1:3

Apcheymákpoho keñamak megyaqhémo aptémakxa. Aphegkek xép ma'a neyseksa nak meteymog áxwa, cham'a netnók agko' nak egkexe, cháxa keñamak apkenagkama nak xép méko kategkesek.

Sofonías 2:8

Keso aptáhakxa nak appeywa Wesse' ekha apyennaqte, Dios apagkok nak Israel: “Eklegayak ko'o sexéneykha ekmaso m'a moabitas tén han setaqnagko m'a amonitas. Hakte apkelxéneykha chá'a ekmaso m'a énxet'ák ahagkok nak, apkelyennaqteyásamákpok han chá'a apkelyementamoma m'a xapop apagkok nak. Cháxa keñamak sekxéna nak ko'o naqsók peya katnehek Moab ma'a ektémakxa axta m'a Sodoma keñe sa' Amón katnehek ma'a ektémakxa axta Gomorra, émhakxa am'ák sa' katnekxa', tén han ekyetnamakxa yásek, meyke aqsok meyke néxa sa' katnekxa'. Elmagkok sa' aqsok apagkok ma'a énxet'ák ahagkok apkeleymomap nak meletsapma, emok sa' han ma'a xapop apagkok nak.”