Sofonías 1:12 - Biblia Enxet

¹² “Amok sa' ko'o xama cháléwasso xa ekhem nak keñe sa' atátchesek alanok ma'a Jerusalén. Allegássesagkohok sa' ma'a énxet'ák apkeltaqmelchessamo nak aqsa apheykha ektémól'a vino ektaqmelchessamól'a aqsa ekyetno, apteme nak chá'a elpaqmeyesmakha s'e: ‘¡Melanyek xama aqsok Wesse' egegkok, cham'a ektaqmela nak tén han ma'a ekmaso nak!’

Sofonías 1:12 Σταυροειδείς Αναφορές

Job 21:15

¿Yaqsa m'a ekha nak Apyennaqte, yaqwayam enxoho negko'o ólpeykesho'? Méko aqsok negko'o hegwetaksek ólmaxnak nápaqto' ma'a.”

Salmos 10:4

Elsekheykha chá'a elyeheykha etnehek elpaqmétek élmasagcha'a nak apkeltémakxa s'e: “Méko Dios. Méko hexénchásekxohok sektémakxa.” Wánxa ektémakxa élchetamso apkelwáxok xa.

Salmos 14:1

Yának chá'a méko Dios ma'a énxet'ák élyeyháxma nak: apyókxoho chá'a enaqtawasakpok, apkeláneykegkek ma'a nentémakxa ekmaso agko' nak, ¡méko xama enxoho apkelane ektaqmalma aptémakxa!

Salmos 94:7

Elxének chá'a melweteya m'a Wesse' egegkok, elxének chá'a mey'ásegko m'a Jacob Dios apagkok.

Isaías 5:19

Kéxegke kélteme nak chá'a kólpaqmétek se'e: “Tásek sa' elának heykxe Dios ma'a aptamheykha apmáheyo nak elána', yaqwayam sa' agweta'; tásek sa' epekhaksohok elának Dios Appagkanamap nak Israel ma'a ekxeyenma nak apwáxok elána', yaqwayam sa' agya'asagkoho'.”

Jeremías 10:5

Hawók náta kéleyssól'a m'a aqsok kéleykmássesso, kélchenegkessól'a m'a namyep kélcheneykekxexa nak yánsamáne, yawanchek kalpaqmétek kólpatmekxohok nahan chá'a m'a, hakte yawanchek kalxog. Nágkóle chá'a kéxegke m'a, yawanchek katnéssessamhok exma ekmaso xama énxet, yawanchek nahan kataqmelchesek.”

Jeremías 48:11

Apkelweteyak chá'a meyke ektáhakxa apheykha m'a énxet'ák Moab, megkólnaqleykekxak makham megkatnahakxa apkelókxa xama enxoho. Aphémók ma'a vino kélpekkenmal'a aqsa meyke kéltaqheyáseykha, megkólyetmeykekxal'a m'a mók kélyeta nak, cháxa keñamak megkamassama nak chá'a ekmátsa, tén han ekpaqneyam.

Ezequiel 8:12

Aptáhak axta seyáneya s'e: “¿Apwet'aya apkelyexamakpoho nak chá'a apkeláneykegko m'a apkelámha apmonye'e nak Israel, apnegkenma nak chá'a xama xama aqsok apcháyókxa m'a nápakha apxanák kañe'? Apkenagkamchek ko'o malweteyk xa, sekyamasma m'a apkelókxa nak.”

Ezequiel 9:4

aptáhak axta apcháneya s'e: “Eweynchamha sa' kañe' tegma apwányam Jerusalén, elqahássesák sa' chá'a élpayhakxa nápaqta'a m'a énxet éllapwámeyak nak chá'a tén han eyaqhe nak chá'a apkelwáxok ma'a aqsok ekmaso agko' nak élánamáxche m'a kañe'.”

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.

Amós 6:1

¡Énxet'ák laye, apheykha nak meyke élyetnakhayo apkelwáxok ma'a Sión! ¡Énxet'ák laye, apheykha nak chá'a meyke apkelakakxa m'a Samaria, apkelámha apmonye'e nak chá'a apkelókxa ekyawe kéláyo, apkelye'eykekxoho nak chá'a m'a israelitas!

Abdías 1:6

¡Esaú, kélsawheyásawok aqsok apagkok! ¡Ekyókxoho agko' kélmenyexchásak xép aqsok élmomnáwa apagkok!

Malaquías 2:17

Leklágweykmek apháxenmo kéxegke Wesse' egegkok; kóltéhek chá'a kólmaxneyekxohok se'e: “¿Háxko nentémakxa chá'a neganagkama negko'o ekleklágweykmo nak segháxenmo?” Kélxeyenmeyk chá'a kéxegke Wesse' egegkok ekleklamo apwáxok ma'a apkeláneykegkoho nak chá'a aqsok ekmaso, tén han ekpayheykekxoho chá'a apwáxok apkelányo, kóltéhek han chá'a s'e: “¿háxko aphakxa m'a Dios ekpéwomo aptémakxa nak?”