Proverbios 9:8 - Biblia Enxet

⁸ Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.

Proverbios 9:8 Σταυροειδείς Αναφορές

1 Reyes 1:23

kéltennássek axta han ma'a wesse' apwányam. Xama axta apwokmo Dios appeywa aplegasso m'a aphakxa nak wesse' apwányam, apháxahánteyk axta apmonye' ekwokmoho aptekxekwa'akto nápat xapop,

1 Reyes 1:32

Keñe axta wesse' apwányam David apkeltamho kólyentawakxak ma'a apkelmaxnéssesso Dios énxet'ák apagkok Sadoc, tén han Natán apteme axta Dios appeywa aplegasso, keñe han ma'a Benaías, Joiadá apketche. Xama axta apkelwokmo m'a aphakxa nak wesse' apwányam,

1 Reyes 22:8

Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, aqsok ekmaso aqsa chá'a héltennaksek. Apchátegmowágkek axta eyke m'a Josafat: —Ná etne aqsa appeywa xa.

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Proverbios 1:5

Yeyxhok ma'a apya'áseykegkoho nak aqsok, keñe yepmenyéhok chá'a mók makham apya'áseykegkoho aqsok, tén han kántagkok chá'a m'a ektémakxa apya'áseyak aqsok,

Proverbios 10:8

Emok chá'a takha' apcháneyákpexa etnehek ma'a énxet apya'áseykegkoho nak aqsok; keñe m'a ekyeyháxma nak chá'a appeywa, etwasakpok chá'a.

Proverbios 13:1

Elyahakxohok chá'a appaqhetchesa enxoho apyáp ma'a kélketche apya'áseykegkoho nak aqsok; keñe m'a apchásennamap nak, melyahakxeyk chá'a ektáhakxa kélnokáseykha.

Proverbios 13:18

Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 15:12

Megyásekheyk ektáha nak chá'a apnókáseykha m'a énxet apchásennamap nak, mepáxaqwomek nahan ma'a énxet'ák apkelya'áseykegkoho nak aqsok.

Proverbios 19:25

Kéllegassásegkok agkok ma'a énxet megkeyxnegwayam nak chá'a appeywa, keñe sa' ey'ásegwók aqsok ma'a mey'áseyak nak aqsok; xama kélnókáseykha aqsa ey'ásegwók ma'a énxet apya'áseykegkoho nak aqsok.

Proverbios 23:23

Ema m'a ekteme nak ekmámnaqso', tén han negya'ásegwayam, nélxekmowásamáxche', keñe han ma'a negyekpelchémo, ¡ná ekxeyha aqsa ekha ekyánmaga!

Proverbios 23:9

Ná epaqhetchesha chá'a m'a énxet ekyeyháxma nak, hakte ey'ássók katnehek ma'a appeywa ektaqmalma nak.

Proverbios 28:23

Énxet apnókáseykha nak chá'a pók, kalkohok sa' chá'a apwáxok natámen, megkatnehek sa' ma'a ektaqmeleykha nak chá'a appeywa elának pók.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Isaías 36:21

Apkelwanmeyágkek axta eyke aqsa m'a, axta yátegmowágkok xama enxoho, hakte apkeltamhók axta megyátegmowagkek xama enxoho m'a wesse' apwányam.

Levítico 19:17

“Nágkalow chá'a kélwáxok kólwetak kélmók, “Kólpaqhetches chá'a kélmók eyesagko enxoho chá'a aptáhakxa. Kaphewakxa katnehek kéxegkáxa megkólya'assáxma.