Proverbios 7:14 - Biblia Enxet

¹⁴ “Sakhem sélana ko'o m'a séltennassama axta alána', eyaqhássesek xama sektósso Wesse' egegkok, segwetassamo nak nélásekhamaxchekxoho. Yetneyk ápetek ma'a exagkok nak.

Proverbios 7:14 Σταυροειδείς Αναφορές

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 17:1

Tásek antók nento élyenneykekxa éleymomáxche, tén han anxek meyke ektáhakxa egwáxok, kaxnók anlának chá'a ekxámokma ektámáxche ekyawe tén han ólenmexaxche'.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Proverbios 7:15

Cháxa keñamak sektepa nak apmonye'; ¡émenyeyk ahagko' óta', ekwet'ak han xép!

Isaías 1:13

Náhélsantagkas chá'a kaxwók aqsok yaqwayam nak chá'a hélmések ma'a aqsok mékoho nak; mowanchek ko'o atekhánek kaxwók éten agkok ma'a. Kóláneyha chá'a kéxegke énxet'ák elánegwaták kélessawássessamo nak pelten apketkok tén han ma'a sábado, mowanchek eyke ko'o alanha aqsa apkeláneyak apkelsawássessamo m'a énxet'ák, apkeláneykegkoho nak aqsok ekmaso.

Levítico 7:11

“Keso segánamakxa ektémakxa nak chá'a élánamáxche kélnaqtósso ektekyawa ekyaqmageykekxa nak nélásekhamaxchekxoho, kélseykekxésso nak chá'a Wesse' egegkok: