Proverbios 5:12 - Biblia Enxet

¹² Sa' etnehek se'e: “¡Yaqsa axta ex'a ektéma malyaheykekxo chá'a sélpaqhetcháseykha! ¡Yaqsa axta ex'a ektéma mamoma takha' m'a ektémakxa axta chá'a sélésso aqsok!

Proverbios 5:12 Σταυροειδείς Αναφορές

Génesis 19:9

Aptáhak axta apkelátegmowágko s'e: —¡Yáwho exchep xa! Mopwanchek xép hẽltennaksek yaqwánxa chá'a antéhek, mók nekha exchep apkeñamak. ¡Anyeykhássamhok sa' kaxwók xép nenteméssesakxa ekmaso, megkaxók sa' nenteméssesakxa xa énxet'ák nak! Yetlókok axta han apyégeykha Lot xa énxet'ák nak, apwakhegwokmek axta átog apmako eyaqnegkesek,

2 Crónicas 25:16

Xama axta aptáha apcháneya Dios appeywa aplegasso xa ektáha nak, aptáhak axta wesse' apwányam apchátegmowágko s'e: —¿Xépya appaqhetchesso chá'a wesse' apwányam? ¡Ewanmeyekxa sa'! ¿Apkeltamhók enxeykel'a emátog? Massék axta appaqhetchesa m'a Dios appeywa aplegasso, wánxa axta aqsa aptáha apcháneya s'e: —Ekya'ásegkók ko'o exchep ekxeyenma apwáxok Dios emasséssók, eñama apteme xa ektáha nak, tén han melyaheykekxa chá'a sektémakxa sekpeywa sekmésso.

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

Salmos 73:22

seyeyháxma axta ko'o, may'áseyak aqsok; ¡ekhémók axta ko'o aqsok nawhak nápaqto' xép!

Proverbios 1:22

“Wokma'ák megkólya'áseyak nak aqsok, megkólésso nak kóllektegmaha, tén han élyeyháxma nak. ¡Kólwátésák hana kéltémakxa kélteme meyke kélya'áseyak aqsok! ¡Kólwátésák ekmátsa nak kélya'ásseyam, nágkóltaqnow ma'a negya'áseyak nak!

Proverbios 1:25

Kéltaqhésawók aqsa m'a sekpeywa; megkólmak takha' m'a seknókáseykha nak.

Proverbios 1:7

Néltamhók agkok antéhek negya'áseykegkoho aqsok, kéméxcheyk sekxók antéhek negáyo Wesse' egegkok; elwanyaha eyke chá'a énxet élyeyháxma xa ektémakxa nak negya'áseykegkoho aqsok, tén han ma'a ektémakxa nak chá'a sẽlpékessáseyak.

Proverbios 10:17

Énxet apháxenmo nak kélpaqhetcháseykha, emhagkok ma'a ámay ekyennaqtamakxa nak egnények; keñe m'a énxet megyaháxenmo nak kéltennáseykekxoho aptáhakxa, etwasakpok sa'.

Proverbios 12:1

Negásekhayo ektémakxa nak sẽlpékessáseyak, cháxa negásekha'awo m'a negya'áseykegkoho nak aqsok; nentaqnagko ektémakxa nak sẽlnókáseykha, cháxa nenteme segyeyháxma xa.

Proverbios 13:18

Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 5:11

Keñe sa' natámen kaqhek apwáxok apwet'a enxoho ektaqmelchásegkoho ekmassa apyennaqte, apyamhowa enxoho.

Proverbios 6:23

Máxa cháléwasso eyápogwate m'a nélánemáxchexa nak antéhek tén han ma'a sẽlxekmowáseyak nak; ámay ekyennaqte egnények ma'a sẽlpeykessáseyak nak, tén han ma'a sẽlpaqhetcháseykha nak chá'a.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Jeremías 44:4

Éláphassáseykekxeyk axta eykhe chá'a ko'o kéxegke apkellegasso nak sekpeywa, yaqwayam enxoho eltennaksek megyánhek kóllának ma'a aqsok ekmaso agko', sektaqnagkamo nak chá'a ko'o.