Proverbios 30:3 - Biblia Enxet

³ May'ásegkok ma'a ektémakxa nak negya'ásegwayam aqsok, may'ásegkok han aptémakxa nak ma'a Dios Appagkanamap apagko' nak.

Proverbios 30:3 Σταυροειδείς Αναφορές

Proverbios 30:4

¿Yaqsa axta ekmeheykegko néten keñe ekweyweykento makham? ¿Yaqsa awanchek kamagkok ma'a éxchahayam? ¿Yaqsa eyaqlassama eyaqlamaxche m'a wátsam ekwányam? ¿Yaqsa axta ekpekkenma m'a néxa xapop nak? ¡Héltennés sa' apwesey! ¡Héltennés sa' han apwesey m'a apketche apya'ásegko enxoho!

Proverbios 9:10

Néltamhók agkok antéhek negya'áseykegkoho aqsok, kéméxcheyk sekxók antéhek negáyo Wesse' egegkok; negya'ásegkók agkok ma'a Appagkanamap Apagko' nak, cháxa nentáha negmowána aqsok xa.

Isaías 30:11

Kólyensem kélyetlo s'e ámay nak, kólyetnakhágwom se'e ámay ekpéwomo nak, náhenxekmósseta kaxwók negko'o m'a Dios Aptaqmalma nak ma'a Israel.”

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Isaías 6:10

Elyennaqtésses sa' apkelwáxok xa énxet'ák nak; eláhakkásekxa sa' apeyk'ák, yaqwayam sa' mellegye', eláhakkásekxa sa' apaqta'ák, yaqwayam sa' melwetyehe' tén han melyekpelchágwome', yaqwayam sa' metnekxék ko'o mehey'ásseyam, keñe sa' mamasséssesek ma'a ektamheykegkaxa nak.”

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”