Proverbios 27:6 - Biblia Enxet

⁶ Tásek agáwhok segmésso nak appeywa ekyennaqte m'a egmók, kaxnók agáwhok sempatheteykha m'a megkatnaha nak egmók.

Proverbios 27:6 Σταυροειδείς Αναφορές

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Proverbios 10:18

Ekpósek chá'a ektémakxa aplo m'a énxet apmopwána nak amya'a, keñe m'a élyeyháxma nak elsawha aqsa chá'a apkelmopwancha'a amya'a.

Proverbios 20:30

Kamasseksek chá'a nentémakxa ekmaso m'a negmatñencha'a enxoho tén han sẽlyensasa enxoho; kataqmelekxak chá'a nentémakxa m'a sẽlyekpexcheteyncha'a enxoho.

Proverbios 27:7

Kammohok aptaqnagko etwok yányawhéna' apyegmenek ma'a énxet apyaqkáneykmoho nak chá'a; keñe m'a meyk áto nak, kammohok ekmátsa etwok ma'a aqsok ekmáske nak.

Proverbios 28:23

Énxet apnókáseykha nak chá'a pók, kalkohok sa' chá'a apwáxok natámen, megkatnehek sa' ma'a ektaqmeleykha nak chá'a appeywa elának pók.