Proverbios 27:4 - Biblia Enxet

⁴ Asagkek ma'a nenlo nak chá'a, hentawasha m'a nennatheyáseykha nak, eyke ekyagwánxa agkok aplo m'a énxet apkelmeyeykha nak chá'a aptáwa'.

Proverbios 27:4 Σταυροειδείς Αναφορές

Génesis 26:14

Apxámokmeyk axta han nepkések apnaqtósso, tén han weyke, apxámokmeyk axta han ma'a apkelásenneykha, apnathayak axta m'a filisteos.

Génesis 37:11

Apnathayak axta m'a apkelpepma, keñe axta apyáp megkayetyapweykmo élchetagkáseykha apwáxok xa aqsok nak.

Génesis 38:9

Apya'ásegkok axta eyke Onán metnehek apketchek ma'a appallakmo enxoho apketchek. Axta keñamak yókxoho apyepetche m'a apepma aptáwa' axta apyegkenma chá'a yókxexma yaqwayam metnéssesek lóso', yaqwayam enxoho mexek aptawán'ák neptámen ma'a apepma axta.

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

Proverbios 14:30

Hegméshok ekyennaqte egyempehek ma'a ektaqmeleykha nak chá'a egwáxok; kaxnók ma'a nennathe nak chá'a aqsok, kakpelkok ẽxchakkok.

Proverbios 27:3

Kelyentex'ak ma'a meteymog tén han xapop ánek, eyke ekyentaxnakxa agkok aplo m'a énxet ekyeyháxma nak.

Proverbios 6:34

Hakte máxa táxa aplo m'a énxet apkelmeyeykha nak chá'a aptáwa', megkapyósegwomek elanok pók ma'a apyaqmagkásekxo enxoho mók apteméssessamakxa';

Cantares 8:6

Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

1 Samuel 18:9

Cháxa ekmassakxa axta han ektaqmeleykha apwáxok apkelano Saúl ma'a David.