Proverbios 15:2 - Biblia Enxet

² Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 15:2 Σταυροειδείς Αναφορές

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Salmos 59:7

Katyapok chá'a apkelpeywa ekmaso, máxa sókwenaqte sempexyekhayól'a m'a apkelpeywa, yának chá'a megkañáxchek apkelpeywa.

Proverbios 12:23

Mexénmakha ektémakxa apya'áseyak aqsok ma'a énxet apmopwána nak aqsok, keñe m'a ekyeyháxma nak, exekmósek chá'a énxet'ák apteme ekyeyháxma.

Proverbios 13:16

Énxet ekha nak chá'a ekxeyenma apwáxok elának chá'a aqsok yetlo apmopwána, keñe m'a ekyeyháxma nak, exekmósek chá'a énxet'ák apteme ekyeyháxma.

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Proverbios 15:28

Kalchetmok chá'a sekxók apwáxok énxet appéwomo yaqwánxa etnehek yátegmowágkok, keñe m'a énxet ekmaso nak aptémakxa', yahamok chá'a katyapok appeywa ekmaso.

Proverbios 15:7

Yexpánchesha chá'a negya'áseyak aqsok ma'a énxet apya'áseykegkoho nak aqsok; keñe metnehek ma'a énxet élyeyháxma nak.

Proverbios 16:23

Apwanchek chá'a elanagkohok apya'asakxa appeywa m'a énxet élchetámeykha nak chá'a apwáxok yetlo apya'áseykegkoho, kalmok han chá'a apkelwáxok énxet'ák ma'a aptáhakxa enxoho appeywa.

Proverbios 5:2

Keñe sa' ey'ásegwók apteme apmopwána apkeláneykegkoho aptémakxa, epaqmétek sa' nahan yetlo ekha ektémakxa apya'áseykegkoho aqsok.

Eclesiastés 10:14

¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 5:3

hakte xámok agkok élchetamso apwáxok, katsagkassesek apwanmagko, apxámáseykxeyk agkok han appeywa, exénwók ma'a megkapayhawo nak chá'a antéhek.

Isaías 50:4

Élxekmóssek ko'o Wesse' egegkok sekmowána sekpeywa yaqwayam enxoho alpeykessásekxak apkelwáxok ma'a apkelyampayo nak. Yókxoho axto'ók chá'a apkeltémo aleyxmakha yaqwayam enxoho weyxhok aptémól'a m'a ekmátsal'a kólxekmósek.