Proverbios 13:8 - Biblia Enxet

⁸ Aqsok apagkok chá'a kawagkasek teyp ma'a énxet ekxámokma nak aqsok apagkok; keñe m'a meyke nak aqsok apagkok, meñeyk chá'a xama enxoho kólmáwhok kólteméssessamhok exma ekmaso.

Proverbios 13:8 Σταυροειδείς Αναφορές

2 Reyes 24:14

Keñe axta apkelmoma apnaqleykekxo apyókxoho apheykha axta Jerusalén, tén han apyókxoho m'a apkelámha apmonye'e, tén han sẽlpextétamo apkelyennaqte, tén han apyókxoho m'a apkelánéyak axta chá'a aqsok, keñe han ma'a apkelánéyak nak sawo, diez mil axta apwagkassók apkelma. Méko axta eyeymomáxche enxoho m'a apchókxa, wánxa axta aqsa m'a meyke agko' nak aqsok apagkok.

2 Reyes 25:12

Wánxa axta aqsa apkeleykmo apqántawók ma'a énxet'ák meyke agko' nak aqsok apagkok, yaqwayam enxoho elanha m'a anmen yámet kélcheneykekxa', tén han eknekxak aqsok ma'a namyep.

Job 2:4

Chátegmowágkek axta eyke Wesse' egegkok ma'a aqsok ekmowána nak hensexnena': —Agkok anteméssessekmohok exma ekmaso apyókxa xama énxet, tásek aqsa katnehek. Apwanchek ekxák ekyókxoho aqsok apagkok énxet yaqwayam enxoho eweynchamha chá'a.

Éxodo 21:30

Sa' agkok kóltamhók ematñekxa', kélmaxneya enxoho aqsa eyánmagkasek, kéméxcheyk eyánmagkasek ma'a ekwánxa enxoho ekhawo kayaqmegekxak ma'a apyókxa nak.

Proverbios 13:7

Yetneyk énxet meyke agko' nak aqsok apagkok apkeltemessásamap nak chá'a ekxákma aqsok apagkok, yetneyk han énxet ekxámokma nak aqsok apagkok, máxa eyke meyke aqsok apagkok chá'a etnahágkok.

Proverbios 13:9

Máxa cháléwasso eyápogwate etnahagkok ma'a énxet'ák élpéwomo nak apkeltémakxa'; máxa eyke cháléwasso eksapane agko' la'a etnahagkok ma'a énxet'ák melya'assáxma nak.

Proverbios 14:24

Énxet ekha nak apya'áseykegkoho aqsok, ekha kéláyo chá'a katnéssesek ma'a apmopwána nak aqsok; keñe m'a élyeyháxma nak, kólya'asagkohok chá'a aptamhéyak élyeyháxma.

Proverbios 6:35

memhek kólmések xama enxoho ekyánmaga ekyaqmageykekxa m'a, xámok eykhe katnehek aqsok kélmésso naqsa, megkamassehek eyke aplo.

Jeremías 39:10

Wánxa axta aqsa apkeleykmo yókxexma Judá nápakha m'a meyke agko' nak aqsok apagkok, apkelmeyásegkek axta apkeneykekxexa anmen yámet, tén han namyep yaqwayam eknekxak aqsok aktek.

Jeremías 41:8

Keñe axta diez xa énxet'ák, aptáha apcháneya Ismael se'e: —Ná hẽlnáhap aqsa negko'o, yetneyk negko'o hótáhap apaktek, apho hótáhap, pexmok égmenek, tén han yányawhéna' apyegmenek nélpósso m'a yókxexma nak. Tén axta Ismael melnapa, apteméssesakxa axta m'a apkelxegexma'a nak.

Sofonías 3:12

Alheyásekxak sa' ko'o kélnepyeseksa kéxegke m'a énxet'ák kéltemessáseykekxa nak meyke éleymáxkoho apkelwáxok tén han mékoho, yaqwayam sa' melya'ássók ma'a sekwesey nak.