Oseas 2:10 - Biblia Enxet

¹⁰ Yáxña'akxoho sa' apekkenchesek ekyókxa meyke apáwa, nápaqta'awók ma'a élpatheteykegko nak chá'a. ¡Méko sa' kawának hémentók yaqwánxa nak atnéssesek!

Oseas 2:10 Σταυροειδείς Αναφορές

2 Crónicas 24:7

Hakte taxnegweykmek axta Dios tegma appagkanamap apagkok ma'a Atalía, ekteme axta ekmaso agko' ektémakxa yetlo élxegexma'a, kelmomchek axta ekyókxoho aqsok ekhéyak axta m'a Wesse' egegkok tegma appagkanamap apagkok, énchesso chá'a élpeykessamo m'a aqsok eyáyókxa nak.

Salmos 50:22

“Kólya'asagkoho sa' se'e, kéxegke megkaxeyenma nak kélwáxok Dios, kélnápakha'a apketkók katnehek atnéssesek, méko kalwagkasek teyp:

Proverbios 11:21

Naqsók sa' kóllegássesagkohok ma'a énxet ekmaso nak aptémakxa', tásek sa' eyke katnehek apkelmallane m'a énxet'ák élpéwomo nak apkeltémakxa'.

Isaías 3:17

meyke áw'ák sa' ko'o atnéssesek allegássesagkohok xa, weygké sa' waha', yáxña'akxoho sa' anegkenchásekxak ma'a ekyókxa, meyke apáwa.”

Jeremías 13:22

Kelmaxneyáha sa' agkok han, yaqsa ektáha, ektáha xa ektáha nak, kéméxcheyk kay'asagkohok eñama ekyawe megkay'assáxma; ¡cháxa keñamak kélhaxyawássesa nak élnaqta tén han kélyennaqtésa kélyempehek kélteméssessekmoho exma!

Jeremías 13:26

Alhaxyawássesagkok sa' ko'óxa kéxegke apyókxoho kélnaqta, yaqwayam sa' kólmegqé' kataxchek yáxña'akxoho kélyókxa'.

Ezequiel 16:16

Teméssessegkek axta kélpeykessamókxa aqsok kéláyókxa élnaqta m'a néten egkexe nak, cham'a ekyamasmakxa axta chá'a ekyókxa m'a.

Ezequiel 16:19

Kelméseykegkek axta nahan ekteméssessama aqsok élmésso naqsa ekmátsa nak ekpaqneyam agkok ma'a kelpasmaga apkelánamap axta hótáhap aptaqmalma, tén han ma'a pexmok égmenek, tén han ma'a yányawhéna' apyegmenek seyeykegko axta chá'a ko'o exche'. Ko'o sekxeyenma xa, sektáha nak Wesse'.

Ezequiel 23:29

Etwasagkohok sa' chá'a yetlo aptaqnagko, apagkok sa' etnehek ma'a aqsok ekwete nak chá'a eñama ekyánmaga ektamheykha, meyke agko' élnaqta sa' eyenyekxa'; yáxña'akxoho sa' keytnekxak ma'a ekyókxa, cham'a ekteméssesseykmoho nak chá'a exma élánéssama m'a ektémakxa ekmaso megkamasexta. Ekmátsa katnegwomhoxma tén han megkamasexta

Oseas 10:1

Aphawók Israel ma'a anmen yámet ekxámokmal'a ekyexna, xámagkek agkok ma'a ekyexna nak, kaxámagkok han chá'a apkeláneyak ma'a élwatnamáxchexa nak aqsok, yágwokmók agkok chá'a ektaqmalma m'a xapop apagkok nak, kayágwomhok han chá'a aptaqmelchessamo apkeláneyak ma'a meteymog élpagkanamaxche nak.

Oseas 13:1

Apkelpaqmetchek axta agkok chá'a énxet'ák Efraín, yáwhok axta chá'a m'a pók énxet'ák nak Israel, apkeletsepmeyk axta eyke énxet'ák Efraín, apkelsexnánémakpo axta eñama apkelpeykessamo m'a Baal.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Oseas 6:9

Máxa apkelmenyexma aptamheykegkok apkelhaxneykencha'a chá'a énxet'ák ma'a apkelmaxnéssesso nak énxet'ák ahagkok, yaqhek chá'a énxet'ák ma'a ámay nak Siquem, elanagkok han chá'a m'a aqsok ekmaso agko' nak.

Miqueas 5:8

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, máxa yámakméwa sa' etnahagkok neyseksa m'a aqsok nawha'ák éllo nak, máxa méwa sa' etnahagkok ekleykhal'a nepyeseksa m'a nepkések kélnaqtósso, ektahanmal'a neyseksa ekyeykhe keñe katnéssesek nápakha'a apketkók, eksawhomól'a kalnápok apyókxoho.