Oseas 13:5 - Biblia Enxet

⁵ Ektaqmelchessegkek axta ko'o exchep ma'a xapop ekyamáyekxa nak exma meykexa nak énxet.

Oseas 13:5 Σταυροειδείς Αναφορές

Génesis 31:40

Wahaxchek axta chá'a ko'o ekmexanma; keñe axta'a wahaxchek apmopsamáge, ¡mowanchek axta chá'a amáwhok atyenek!

Salmos 1:6

Wesse' egegkok aptaqmelchessesso ámay apagkok ma'a énxet'ák apkelpéwomo nak, keñe m'a ámay apagkok nak énxet'ák melya'assáxma, kalya'aksek sa' ma'a sẽlmassésseykemxa nak.

Salmos 142:3

cham'a ekmassa enxoho chá'a sélenmáxexko. Wesse', apya'ásegkok xép ámay ahagkok: cham'a ámay sekpéwomókxa nak chá'a ko'o, élpekkenchessek kelhanma.

Salmos 31:7

Kapayhekxak chá'a ewáxok eñama seyásekhayo, wátsaha chá'a, hakte apwetayak xép ektémakxa nak seklegeykegkoho, apya'ásegkok ma'a ektémakxa nak ekyaqhápeykha ewáxok;

Salmos 63:1

¡Dios ahagkok, xép apteme Dios ahagkok! Étámawók ahagko' ko'o exchep, hakte émenyeyk ko'o exchep; amenyeyk xép ewáxok, ektémól'a xapop ekyamaye meykel'a yegmen.

Éxodo 2:25

Apkelanawók axta Dios ma'a israelitas, apya'ásegwokmek axta anhan ektémakxa apkellegeykegkoho.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Oseas 5:3

Ekweteyak ko'o m'a Efraín, ekya'ásegkók ma'a Israel. Apkeláneyak aptémakxa ekmaso megkamopsexta m'a Efraín, apkenyetséssegkek apyempehek ma'a Israel.”

Oseas 9:10

Aptáhak Wesse' egegkok se'e: “Payheykekxeyk axta ko'o ewáxok sekweteya m'a Israel, máxa axta ektemék énxet apwetágwayam la'a anmen yámet ekyexna m'a yókxexma meykexa nak énxet. Máxa axta ektemék ko'o sélányo kélyapmeyk nanók axta kéxegke m'a higo ekyexna amonyel'a. Keñe axta apkelweykmo m'a Baal-peor, apkelmeyásamákpo m'a aqsok kéláyókxa élmowancha'a amya'a nak, apkelmopsagcha'a apagko' axta apkeltemessásamákpok, ektéma nak ma'a aqsok kéláyókxa apkelmopmenyého nak ma'a.

Nahúm 1:7

Tásek apwáxok ma'a Wesse' egegkok; negyepetchegweykekxexa m'a ekwa'a enxoho ekmaso negha: eltaqmelchesek chá'a m'a apteme nak melya'ásseyam.

Deuteronomio 2:7

Hakte aptaqmelchessessegkek axta chá'a kéxegke Dios Wesse' kélagkok ma'a ekyókxoho aqsok kéllanakxa enxoho chá'a; aphegkek axta kélnepyeseksa kéxegke ekweykmoho cuarenta apyeyam, apkeltaqmelchessegkek axta nahan neyseksa kélxega s'e ekyawakxa nak yókxexma meykexa énxet, meyke eyeymomáxche xama aqsok enxoho.

Deuteronomio 32:10

Apkelwetágweykmek axta m'a yókxexma meykexa nak énxet, ekyamáyókxa nak exma xapop ekpáwomakxa nak émpehek éxchahayam; apkelpathetmeyk axta, apkelxekmóssegkek axta nahan, apkeltaqmelchessegkek axta nahan ektémól'a apkeltaqmelchesso m'a apaqta'ák apagkok apagko'.

Deuteronomio 8:15

apnaqleykencha'a axta m'a ekyawakxa nak yókxexma meykexa énxet tén han eyesagkexa nak, ekxámokmakxa nak ma'a yéwa ekmáske nak hentakxek tén han ma'a yettáha, tén han ma'a meykexa agko' nak ma'a yegmen. Aptekkessegkek axta eyke yegmen xama meteymog ekyennaqte agko' ma'a tén axta apméssama yaqwayam kólyenagkok,