Números 6:18 - Biblia Enxet

¹⁸ Kólmópesseshok sa' élyese nazareo m'a átog nak kélpakxanma apchaqneykekxexa nak chá'a énxet'ák, kalmekxak sa' ma'a áw'ák élpagkanchesso axta Wesse' egegkok, kakxák sa' ma'a nátex, kóneg nak ma'a kéltósso ekmatñá ekyaqmageykekxa nak sẽlásekheykekxoho.

Números 6:18 Σταυροειδείς Αναφορές

Números 6:17

etnéssesek aqsok ektekyawa ekyaqmageykekxa nak sẽlásekheykekxoho m'a nepkések apkennawo nak, yetlo m'a hówenaq apxagkok étkok kélxata nak kañe' m'a kelpasmaga meyke nak kempáseyak, egkések sa' ma'a aqsok aktek kélcheneykekxa kélmésso naqsa nak, tén han ma'a vino.

Números 6:5

Yawanchek sa' nahan kalyaqtennagkok áw'ák, kohok sa' aqsa chá'a kalwegqak, ekwokmoho ekwagkasa néxa m'a élxeyenmakxa katnégwók néxa, kalpagkanchesaxchek sa' aqsa chá'a m'a Wesse' egegkok.

Números 6:9

“Pelakkassek sa' agkok chá'a apketsapa xama énxet naqta'awók xa, ekteméssesa enxoho ekmanyása m'a áw'ák nak, élpagkanchesso nak Wesse' egegkok, kasawhohok sa' kalyaqtennek áw'ák ekyeyk'a enxoho siete ekhem, ekxénamaxchexa nak chá'a kólaxñassásekxak émpe'ék.