Números 21:23 - Biblia Enxet

²³ Axta eyke ya'awok elyeykhekxak israelitas Sihón ma'a yókxexma apagkok nak, apchánchesákxeyk axta aqsa apyókxoho énxet'ák apagkok, tén axta apkelanyexakmo m'a yókxexma meykexa nak énxet, xama axta apkelwokmo m'a yókxexma Jahas, apketámegkek axta.

Números 21:23 Σταυροειδείς Αναφορές

Isaías 15:4

Apkelpáxamáha axta nahan ekyennaqte agko' aptegyágko ekpasmo m'a énxet'ák Hesbón tén han ma'a Elalé; wokmók axta eklegamaxkoho apkelpáxameykha m'a Jahas. Axta keñamak apkeleygwokmo m'a kempakhakma yapmeyk nak Moab, apkelyegwakkók apagko' axta.

Jeremías 48:21

Wa'ak kéllegassáseykegkoho ekxénamaxchexa axta kólteméssesek ma'a tegma apkelyawe apheykegko nak ekpayhegweykenxa xapop: cham'a Holón, Jahas, Mefáat,

Jeremías 48:34

Apkelwehéseyha apkellegágkoho ekmáske m'a énxet'ák Hesbón, wokmók eklegamaxkoho apkelwehéseykha m'a Elalé, tén han Jahas, wokmók nahan eklegamaxkoho ma'a Sóar ekweykekxoho m'a Horonaim, tén han ma'a Eglat-selisiya, hakte wokmók nahan ekteyapmakxa yegmen Nimrim élyamaka.

Amós 2:9

Ekmassesseykmek axta eyke ko'o kélmonye'e kéxegke m'a amorreos; ekmassesseykmek axta apyókxoho, aphawók axta eykhe apkelwenaqte yámet cedros ma'a, aphawók axta eykhe apkelyennaqte m'a yámet robles.

Números 20:18

Aptáhak axta wesse' apwányam Edom apchátegmowágkokxo s'e: —¡Nágkólyeykhekxa aqsa xapop ahagkok, kéltemék sa' agkok xa, alanyexek sa' ko'o yetlo sẽlpextétamo ahagkok!

Números 20:21

apmeyawa elyeykhak ma'a yókxexma apagkok nak. Tén axta israelitas aptegyágko mók ámay.

Deuteronomio 4:46

apheykegkaxa axta makham ma'a teyapmakxa ekhem nak neyp wátsam Jordán, ekyapwátegweykenxa nak xapop ekyetnama nak ma'a ekpayho nak Bet-peor, Sihón nak xapop apagkok, wesse' apwányam apagkok nak ma'a amorreos. Hesbón axta eyke aphak ma'a Sihón, Moisés axta eyke apyaqmassók yetlo apkelxegexma'a m'a israelitas, cham'a sekxók axta apkelánteyapma m'a Egipto.

Josué 13:18

Jahas, Cademot, Mefáat,

Jueces 11:20

Axta eyke etnéssessók naqsók nélpeywa negko'o m'a Sihón, axta yahayók ólyeykhak ma'a xapop apagkok; apcháncheseykekxeyk axta aqsa apyókxoho sẽlpextétamo apagkok, keñe apkelpakxenweykmo m'a Jahas, tén axta segketámeykegko.