Números 10:8 - Biblia Enxet

⁸ Apkelmaxnéssesso Dios énxet'ák apagkok sa' nahan etnahagkok apkelaqkahasso m'a kélaqkahasso nak, cham'a Aarón aptawán'ák neptámen nak. Cháxa yaqwayam sa' katnehek kéxegke segánamakxa kélagkok megkamassegwayam xa.

Números 10:8 Σταυροειδείς Αναφορές

1 Crónicas 15:24

Keñe m'a apkelmaxnéssesso Dios énxet'ák apagkok, Sebanías, Josafat, Natanael, Amasai, Zacarías, Benaías tén han Eliézer, cháxa ektáha axta apkelpáwasso chá'a m'a apkelaqkahasso ekpayhókxa nak Dios yántéseksek apagkok. Obed-edom tén han Jehías axta han ektáha aptaqmelchesso m'a ekyetnamakxa nak yántéseksek.

1 Crónicas 16:6

keñe m'a appasmo apkelmaxnéssesso Dios énxet'ák apagkok Benaías tén han Jahaziel, cháxa ektáha axta chá'a apkelpáwasso apkelaqkahasso yókxoho ekhem ma'a ekyetnamakxa nak yántéseksek ekhémo mók nélpaqhetchásamáxkoho Dios.

Números 31:6

Apkeláphássek axta Moisés kempakhakma yetlo apnaqleykha m'a Finees, apketche axta m'a apkelmaxnéssesso Dios énxet'ák apagkok Eleazar, apkelsawa axta m'a aqsok élpagkanamaxche, tén han ma'a kélaqkahasso nak, yaqwayam enxoho yaqkahaksek yának kampakhaxche'.