Miqueas 7:16 - Biblia Enxet

¹⁶ ¡Elwetak sa' nahan ma'a pók aptémakxa énxet'ák nak, keñe sa' elmegqáwhok apagko', neyseksa eykhe ekha apkelyennaqte! ¡Meyke apkelpeywa sa' etnahagkok, tén han meyke apkelpeyk'ák!

Miqueas 7:16 Σταυροειδείς Αναφορές

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 52:15

sa' katnehek nahan kalpelakkasek elwetak ma'a apyókxoho pók aptémakxa nak chá'a énxet'ák; apkelwet'ak sa' agkok ma'a kelwesse'e apkelwányam nak, elwanmeyagkok sa' aqsa, hakte elwetak sa' ma'a aqsok megkóltennassama axta, elyekpelkohok sa' ma'a mellegaya axta kaxénaxche'.

Zacarías 12:9

“Amasséssók sa' chá'a ko'o pók aptémakxa énxet'ák xa ekhem nak, ektáhakxa enxoho chá'a apketámeyam ma'a Jerusalén.

Miqueas 5:8

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, máxa yámakméwa sa' etnahagkok neyseksa m'a aqsok nawha'ák éllo nak, máxa méwa sa' etnahagkok ekleykhal'a nepyeseksa m'a nepkések kélnaqtósso, ektahanmal'a neyseksa ekyeykhe keñe katnéssesek nápakha'a apketkók, eksawhomól'a kalnápok apyókxoho.

Ezequiel 38:23

Keñe sa' axekmósek ko'o apxámokma apagko' énxet sekteme sekwányam tén han sektaqmalma. Altennasaxchek sa' nahan ko'o m'a, tén sa' elya'ásegwók sektáha ko'o Wesse'.

Salmos 126:2

Néllektegmeykha egagko' axta, nélwóncháseykha axta élpayheykekxo egwáxok; keñe axta melya'áseyak nak Dios aptáha apkelpaqmeta s'e: “¡Apkelánessek ekyawe agko' aqsok Wesse' apagkok xa énxet'ák nak!”

Job 21:5

Éllanawók agkok ko'o, kólwanmeyagkok sa' sélaye.

Proverbios 30:32

Apkelánekxeyk sa' agkok yaqwánxa etnehek ekmaso neyseksa apchásennamap, kalchetam sa' apwáxok eyesagko yaqwánxa etnehek

Miqueas 3:7

Elmegqáwhok apagko' sa' xa apkelwetayo nak chá'a aqsok ekpowásamáxkoho, melya'asagkek sa' aptamhágkaxa m'a apkelxeyenma nak chá'a yaqwánxa katnehek egmonye'. Elwanmeyagkok sa' aqsa xa apyókxoho nak, eñama megyátegmoweykegkokxa m'a Dios.

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.