Jueces 8:12 - Biblia Enxet

¹² Apkelántekkek axta apkenyahágko m'a Zébah tén han Salmuná, apkelemhágkek axta eyke m'a Gedeón tén axta apkelma, apkelyegwakkásawók apagko' axta m'a apyókxoho sẽlpextétamo.

Jueces 8:12 Σταυροειδείς Αναφορές

Job 34:19

Mepasmekxeyk ma'a apkeltaqmelchesso nak apchókxa, metnéssesek apyeykhamap pók elanok ma'a ekxámokma nak aqsok apagkok tén han ma'a meyke nak aqsok apagkok, hakte cha'a apkelane apyókxoho m'a.

Salmos 83:11

Etnésses énxet'ák apagkok ekha nak kéláyo apteméssessamakxa axta m'a Oreb, tén han ma'a Zeeb; etnésses apyókxoho apkelámha apmonye'e apagkok apteméssessamakxa axta m'a Zébah, tén han ma'a Salmuná,

Isaías 9:3

Wesse', apsókmek xép ekyawe agko' ekpayheykekxa egwáxok; awanhók agko' ma'a ekpayheykekxa nak egwáxok. Kelpayhekxeyk apkelwáxok apyókxoho énxet nápaqtók xép, máxa aptamhágkok ma'a ektémól'a kanakxaxchek aqsok ekyexna kélcheneykekxa. Máxa aptamhágkok ma'a aptémól'a énxet kalpayhekxak apkelwáxok emlassakpok ma'a aqsok ekxámokma apkelméyak ma'a neyseksa kempakhakma.

Amós 2:14

Megyegketakpek sa' ma'a apyennaqte nak apkenye; kamaskok sa' apyennaqte m'a ekha nak apyennaqte, mewagkasakpek sa' teyp ma'a megyeye nak emhagkok eyesagkexa.

Habacuc 3:7

Ekwet'ak ko'o énxet'ák Cusán eyáhapwa'a éltemegweykmoho exma ekmaso, keñe m'a énxet'ák Madián sekwet'a apkelpexyennama apkelaye.

Jueces 8:11

Axta appéwomok Gedeón ma'a neyáwa axta m'a yókxexma meykexa énxet, ekpayho nak ekteyapmakxa ekhem ma'a Nóbah tén han Jogbehá, apketámegkek axta apkelpakxeneykegkaxa nak neyseksa melhaxneykha.

Jueces 8:13

Xama axta apkexyekmo makham natámen kempakhakma m'a Gedeón, apyeyk'a m'a negyeykheykxa nak Heres,