Josué 23:10 - Biblia Enxet

¹⁰ Kélxama aqsa kéxegke kélwanchek kólmenxenek ma'a mil énxet'ák, hakte Dios Wesse' kélagkok apkelnápomákpok apkelmasma kéxegke, ekhawo apkeltennassamakxa axta etnéssesek.

Josué 23:10 Σταυροειδείς Αναφορές

2 Samuel 23:8

Keso apkelwesey axta David sẽlpextétamo apagkok apkelyennaqte s'e: Is-bóset, apteme axta hacmonita, apkemha apmonye' axta nepyeseksa m'a apqántánxo apkelyennaqte axta, apkelnapma axta ochocientos énxet sawhéwa apmeykha.

1 Crónicas 5:20

appasmomchek axta eyke m'a Dios, apkelmomakpek axta m'a agarenos yetlo m'a apkelxegexma'a axta, hakte apkelmaxneyeykegkek axta apkeltémo epasmok Dios neyseksa apkelnápomap. Appasmomchek axta han ma'a Dios, hakte axta elya'ásseykmok.

1 Crónicas 5:22

Apxámok axta apkeletsapma m'a katnaha nak apnámakkok, hakte Dios axta keñamak xa kempakhakma nak. Keñe axta apkelheykmo xa yókxexma nak, ekweykmoho m'a apkelmomakpo axta kélnaqleykekxo megkatnahakxa apkelókxa.

Salmos 35:1

Wesse', elenmex énxet'ák sénmexeykha nak chá'a ko'o; ektamák ma'a sektámeyam nak chá'a ko'o.

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Éxodo 14:14

Nágkatneykha kélwáxok, Wesse' egegkok sa' elnapakpok elmeyók kéxegke.

Isaías 30:17

Mil énxet sa' yenyahagkok yeyk xama apagko' énxet yaqwayam elnápok, keñe sa' kélyókxoho kéxegke kólenyahagkok kóleyk wánxa m'a cinco énxet apmáheyo elnápok ekwokmoho kéleyméxko kélqántawók kélagko', ektémól'a keymaxchek xama agko' yámet émha m'a néten egkexe étseksek nak, essenhan ma'a ektémól'a xama aqsok kélchenegkesso magkenatchesso m'a néten egkexe nak.

Levítico 26:7

Kólmenxenek sa' kéxegke kélenmexma, etekyók sa' chá'a kélmonye'e kéxegke m'a;

Levítico 26:8

cinco sa' eykhe chá'a kéxegke kélyókxoho kólmenxenek cien énxet'ák, cien sa' eykhe chá'a kéxegke kélyókxoho kólmenxenek diez mil énxet'ák; etekyók sa' chá'a kélmonye'e kéxegke m'a kélenmexma nak.

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Deuteronomio 20:3

sa' etnehek elának se'e: ‘Israelitas, kóleyxho, sakhem sa' kólnapaxchek kéxegke m'a kélenmexma nak. Nágkalyelqaxche aqsa kélwáxok, nágkóle'; nágkólpexyennem kélaye, nágkólyegwe nahan,

Deuteronomio 20:4

hakte apheyk kélnepyeseksa kéxegke m'a Dios Wesse' kélagkok; sa' elnapakpok kélenmexma nak kéxegke m'a, sa' elmallahanchesek nahan ma'a.’

Deuteronomio 28:7

“Wesse' egegkok sa' elmések kéxegke yaqwayam kólmok kélenmexma m'a apketamokmo enxoho. Tásek sa' katnehek apkeléweykekxa elxegmak ey'áwak kéxegke, keñe sa' yexpaqnek yenyahagkok kélmonye'e kéxegke.

Deuteronomio 3:22

Nágye aqsa, hakte Dios Wesse' apagkok sa' elnapakpok elmeyók kéxegke.’

Deuteronomio 32:20

tén axta aptáha s'e: ‘Malanók sa' ko'o kaxwók xa, ¡alanagkohok sa' háxko sa' kexa katnehek! Naqsók aptamhéyak énxet élmasagcha'a apkeltémakxa xa, énxet'ák magmowána nak anteméssesek naqsók apkeltémakxa.

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!

Josué 23:11

Kólewagkoho sa' kéltaqmelchásamáxkoho kélagko' kéxegke. Kólásekhoho m'a Dios Wesse' kélagkok.

Josué 23:3

Kélweteyak axta kéxegke ekyókxoho apteméssessamakxa axta Wesse' egegkok ma'a apyókxoho énxet'ák ektáha axta apkelenmexma, hakte axta han apkelnápomákpok apkelmasma kéxegke m'a.

Jueces 15:15

keñe axta apma xama yámelyeheykok amáxempenek axchapok ekyetna axta m'a, axta han keymayók makham, axta apmáha apkelnapa mil filisteos xa.

Jueces 3:31

Samgar axta apteyapmak pók apkemha apmonye' apyennaqte, Anat axta apketche, cham'a apkelnapma axta seiscientos filisteos apmeykha xama yámet láwa naw'a. Samgar axta han apkelwagkasso teyp ma'a énxet'ák Israel.

1 Samuel 14:6

Tén axta Jonatán aptáha apcháneya m'a apchásenneykha: —Nók, ólyeykhekxak ma'a neyp nak, apheykegkaxa nak ma'a énxet'ák meyke nak kélyenyekhássáseyak nekha apyempe'ék. Lapmaxcheyk sa' elának aqsok Wesse' egegkok hempasmok negko'o, hakte yeskohok hegmallahanchesek ma'a, megkeyxek nenxámokma essenhan egqántawo'.