Jeremías 6:26 - Biblia Enxet

²⁶ ¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Jeremías 6:26 Σταυροειδείς Αναφορές

Génesis 21:16

hakmek axta han yám makhawo, hakte axta kaltamhók katagkohok yetsapok sakcha'a. Xama axta ekha, yetlókok axta apwóno m'a sakcha'a.

Job 15:21

Keygwakkasek chá'a eñak ektemegweykmoho exma; apkeneykek agkok chá'a kataqmelákxak apha, ektamagkok chá'a m'a apkelmenyexma nak.

Job 2:8

Tén axta apxega Job aphakmo m'a nekha nak kélchexakhamakxa aqsok apák, apmeyk axta xama weygke appaqxo yaqwayam elyensekkesek chá'a apyempehek.

Isaías 22:12

Apkeláneyáha axta kéxegke Wesse' ekha nak apyennaqte apkeltamho kóllekxagwaha xa ekhem nak tén han kallapwomagkok, tén han kólmópésagkohok kélyese kólántaxnekxak ma'a apáwa sẽlwáxaqxamól'a magkenatchesso éllapwáméyak.

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Isaías 3:24

Kampak sa' ekpaqneyam ekmanyása ekyaqmageykekxa m'a sokmátsa; keñe sa' éltétamáxche katnehek ekyaqmageykekxa m'a táma'; keñe sa' ma'a éltaqmalma nak chá'a áwa', kayaqmagkasek ma'a meyke áwa' akqatkok; keñe sa' élántaxno apkelexyawáyól'a, etnehek apyaqmageykekxa m'a apáwa sẽlwáxaqxamól'a; keñe sa' ma'a éltaqmalma nak, kayaqmagkasek kélqaháseyak.

Isaías 30:13

cháxa keñamak kéltáha nak kélsexnánémaxche kélagko' kéxegke. Kélhawók ma'a meteymog kélhaxtal'a nepyáwa tegma netna'awo élmayhel'a, ekpelakkassól'a aqsa kayaqnenek neyseksa megkaxeyenma kélwáxok katnehek;

Isaías 32:11

Kéxegke, kélweynchámeykha nak meyke élyetnakhayo kélwáxok, kólyegwe'; kéxegke, ektaqmalma nak kélheykha kólpexyennem, kólhaxyawasák xa kélántaxno nak, kólántaxnekxa m'a apáwa sẽlwáxaqxamól'a magkenatchesso éllapwámeygko.

Jeremías 12:12

Apkelxegakmek énxet'ák apkello m'a ekyókxoho egkexe nak yókxexma meykexa énxet, hakte yetneyk ko'o xama sókwenaqte, ko'o sektáha nak Wesse', yaqwayam sa' kamasséssók ekyókxoho s'e apchókxa nak, méko sa' xama enxoho katnehek meyke ektáhakxa apha.

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 14:17

Etne sa' nahan elának énxet'ák se'e: “Kalpexyewenták sa' ahaqta'ák égmen'ák yókxoho ekhem tén han yókxoho axta'a, meyke néxa, eñama ekmaso agko' ektamhágkaxa m'a énxet'ák ahagkok, eñama élyawe agko' ma'a apkelyense.

Jeremías 15:8

Ekxámásekxeyk nahan nepyeseksa m'a kelán'a tampe, yeykhásseykmók ma'a ekweykenxa nak ekxámokma yagkamex ekhéyak neyáwa wátsam ekwányam. Yetseksók ekhem agko' axta ko'o élnápak ma'a chána yetlo étchek wokma'ák nak makham; ekpelakkassessek axta seyhe éltamheykha awáxok, tén han élaye.

Jeremías 18:22

Elpelakkasses yahak ma'a énxet'ák apkelmenyexmo nak; ¡kañexkohok sa' élpayheykha apatña'ák apkelaye! Hakte emétegkessegkek máxek apmáheyo hemok, epekkenchessegkek kelhanma sekpéwomókxa nak chá'a.

Jeremías 30:5

Aptáhak Wesse' egegkok se'e: “¡Legáxcheyk élpayheykha kélatña'ák élyegweymáxche', tén han eyeymáxche', tén han magya'áseyak nentáhakxa!

Jeremías 4:11

Wokmek sa' agkok xa ekhem nak, sa' katnehek amya'a elxénakpok énxet'ák Jerusalén se'e: “Éxchahayam ekmexanma wátekhápak énxet'ák ahagkok eñama nak meykexa énxet. Háwe m'a éxchahayam megkeynnaqtél'a, kélmowánal'a kólchempaksek apyempe'ék apák hótáhap apaktek;

Jeremías 4:20

Wa'akteyk aqsa chá'a amya'a ekmaso; ekmaso tamhákxak ma'a ekyókxoho apkelókxa. Kélmasséssekmek ekmanyehe agko' ma'a sélpakxenéyak nak, éltawassáseyha agko' ma'a sekpakxanma nak.

Jeremías 4:8

Kólántaxnekxa apáwa sẽlwáxaqxamo nak, kóllekxagwaha, kólápentegmakha kóllegagkohok ekmáske, hakte mehegkexeyk negko'o m'a Wesse' egegkok aplo.”

Jeremías 6:14

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Jeremías 8:21

Eklegeykegkók apkellegeykegkoho nak ma'a énxet'ák ahagkok; yetnegkek sekhakxa m'a ekyaqhápeykha ewáxok tén han seyeye.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Lamentaciones 1:16

Cháxa sélekxágkassama nak chá'a ko'o xa aqsok nak. Kelpexyawáseykenteyk ahaqtek égmenek, hakte méko xama enxoho yaqwayam hetaqmelchessásekxak ewáxok, méko xama enxoho yaqwayam hewasqakkásekxoho. Heykha étchek ma'a nepyeseksa nak tegma appalleyam, hakte maghawok negko'o m'a nélenmexma, apmelyeyha'e.

Lamentaciones 1:2

Yókxoho axta'a élekxagweykha; kelsekkenmék aqtek égmenek ma'a amáxempenák. Méko xama enxoho yaqwayam epeykessásekxak awáxok ma'a apyókxoho éláneykxa nak chá'a. Apkenmexeykekxeyk ma'a apyókxoho námakkok; élenmexma aptamheykekxa'.

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Lamentaciones 3:16

Élekkexchessegkek em'ák seyenhassama ahátog xapop; eyeykegkek xapop.

Lamentaciones 3:48

Kelpexyawánteyk ahaqtek égmenek sekwet'a kélmasséssekmo m'a tegma apwányam ahagkok seyásekhayókxa nak.

Lamentaciones 4:10

Ekháneykekxa ancha'awók han étchek ma'a kelán'ák éltaqmalma axta awáxok; ektéyak axta tamheykekxak ma'a étchek nak, kélmasséssekmo axta m'a tegma apwányam apagkok nak ma'a énxet'ák ahagkok.

Lamentaciones 4:3

Weykmók semheg nawha'ák éléyak chá'a nam'agkok ma'a étkók, apkellómók apagko' eyke m'a apheykha nak tegma apwányam ahagkok, máxa m'a xápen apkelleykha nak meykexa énxet megkalmopyósal'a elanok apketkók.

Lamentaciones 4:6

Awanhók agko' apkeltémakxa ekmaso m'a énxet'ák apheykha nak tegma apwányam ahagkok, megkaxnawok ma'a ektémakxa axta melya'assáxma m'a apheykha nak Sodoma, kélmassésseykmo axta ekmanyehe agko', meyke xama enxoho kélchetámeyak.

Amós 8:10

Kéllekxagweykegkaxa eñama apkeletsapma énxet sa' atnessásekxak ma'a ekhem kélessawassessamókxa nak chá'a, keñe sa' kélmeneykmasso katnekxak ma'a senlapweykenxa; wának sa' ko'o kólántaxnekxak kéxegke m'a apáwa sẽlwáxaqxamo nak, tén han kólmopaksohok kélyese magkenatchesso éllapwámegko. Máxa sa' kóltéhek kóllekxagwaha m'a aptémól'a énxet elekxagwaha exyánegkesek apketche apteme nak wánxa xama apagko', kélyókxoho sa' kalyélaqtések kéllegeykegkoho ekmáske.

Jonás 3:6

Xama axta nahan ekwokmo amya'a aphakxa m'a wesse' apwányam Nínive, apkempákxeyk axta néten aptaháno, aplekkek axta aptaxno aptaqmalma, aptaxneykxo m'a apáwa sẽlwáxaqxamo nak, keñe axta apha náxop.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.