Jeremías 52:20 - Biblia Enxet

²⁰ Keñe m'a ánet élámha axta meteymog, tén han ma'a kélyátamakxa axta yegmen ekyawe, yetlo m'a doce weyke kelennay'awo kéllane nak sawo ekyexwase ekmeykegkaxa axta chá'a, tén han ma'a ekyennaqtéssamakxa axta chá'a, apkeltémo axta kóllanaksek wesse' apwányam Salomón ma'a tegma appagkanamap, megkólwanchek axta kólyetsetagkok ekwánxa ekyentaxno.

Jeremías 52:20 Σταυροειδείς Αναφορές

1 Reyes 7:25

Kélpekkenmeyk axta han néten ma'a doce weyke kelennay'awók kéleykmássesso nak sawo ekyexwase, ántánxo axta kelpayhémok ma'a nexcheyha, ántánxo axta han nepyeyam, ántánxo axta han ma'a ekpayho nak ekteyapmakxa ekhem, keñe han ántánxo m'a ekpayho nak taxnegwánxa ekhem. Kañe' axta kelpeheweykekxak ma'a ataqla amagkok nak, kéltahanchessegkek axta m'a kélyátamakxa nak yegmen.

1 Reyes 7:47

Xámok agko' axta han ma'a aqsok kélmeykegkaxa nak élánamáxche sawo ekyexwase, axta kaxeyenmak apwáxok elyetsetagkok ekwánxa m'a Salomón.

2 Reyes 25:16

Keñe m'a ánet meteymog élámha, tén han ma'a kélyátamakxa axta yegmen ekyawe, tén han ma'a ekyennaqtéssamakxa axta chá'a, apkeltémo axta kóllanaksek wesse' apwányam Salomón ma'a tegma appagkanamap, megkólwanchek axta kólyetsetagkok ekwánxa ekyentaxno.

1 Crónicas 22:14

Elano, awanhek ko'o sekwasqápeykekxoho yaqwayam alának Wesse' egegkok tegma appagkanamap apagkok, tres mil trescientos ekwánxa ekyentaxno m'a sawo élyátekto élmomnáwa, treinta y tres mil ekwánxa ekyentaxno m'a sawo ekmope élmomnáwa, xámok agko' han ma'a sawo élyexwase nak, tén han ma'a sawo élyentaxno magmowána nak ólyetsetagkok. Élanak han ko'o yántéseksek tén han meteymog, xeyep sa' eyke eteñekxohok makham mók.

2 Crónicas 4:18

Apxámassamók axta apkelane Salomón ma'a aqsok kélmeykegkaxa nak sawo ekyexwase, axta kaxeyenmak apwáxok elyetsetagkok ekwánxa.

Jeremías 52:17

Nekha'a étkók axta aptemessásekxak caldeos ma'a sawo élyexwase ekheykegko axta m'a tegma appagkanamap nak: meteymog élámha, ekyennaqtéssamakxa tén han ma'a kélyátamakxa yegmen ekyawe agko' nak, keñe axta apkelsákxo ekyókxoho sawo élyexwase m'a Babilonia.