Jeremías 51:27 - Biblia Enxet

²⁷ “¡Kólchexen néten aqsok ma'a apchókxa nak magkenatchesso yaqwayam kólchetamagkok! ¡Kólpáwés kélaqkahasso, kólána' elanagkokxak aptamhágkaxa apyókxoho énxet'ák, yaqwayam ektamagkok ma'a Babilonia! ¡Kólenmexches sa' ma'a apkelókxa nak Ararat, Miní, tén han ma'a Asquenaz! ¡Kólyésha xama sẽlpextétamo apkemha apmonye' kempakhakma! ¡Kólána elxog yátnáxeg apkelchánte, aptémól'a sawa' apkello!

Jeremías 51:27 Σταυροειδείς Αναφορές

Génesis 10:3

Keso Gómer axta apketchek se'e: Asquenaz, Rifat, tén han Togarmá.

Génesis 8:4

tén axta ekhem diecisietel'a pelten siete nak, ekyetna'akto yántakpayhe m'a néten nak egkexe Ararat.

2 Reyes 19:37

Keñe axta xama ekhem, neyseksa apkelpeykessamo aqsok apcháyókxa Nisroc ma'a apkelpeykessamókxa axta chá'a, apkelmeyákxeyk axta han apketchek ma'a, cham'a Adramélec tén han Sarézer, apchaqhegwákxeyk axta han ma'a, tén axta apkelmeyákxo apkelyexánegwákxo m'a yókxexma Ararat. Apyaqmagkassek axta han apteme wesse' apwányam ma'a apketche apwesey axta Esarhadón.

1 Crónicas 1:6

Gómer apketchek: Asquenaz, Rifat tén han Togarmá.

Isaías 18:3

Kólwetak sa' kéxegke kélyókxoho kélheykha nak keso nélwanmeygkaxa, kélchexna sa' néten meteymog ekwenaqte étseksek ma'a aqsok magkenatchesso, kóllegak sa' nahan ma'a ekpáwà enxoho kélaqkahasso.

Isaías 37:38

Keñe axta xama ekhem, neyseksa apkelpeykessamo aqsok apcháyókxa Nisroc ma'a apkelpeykessamókxa axta chá'a, apkelmeyákxeyk axta han apketchek ma'a, cham'a Adramélec tén han Sarézer, apchaqhegwákxeyk axta han ma'a, tén axta apkelmeyákxo apkelyexánegwákxo m'a yókxexma Ararat. Apyaqmagkassek axta han apteme wesse' apwányam ma'a apketche apwesey axta Esarhadón.

Jeremías 25:14

Apkelásenneykha sa' nahan etnahagkok ma'a apchókxa élyawe nak tén han ma'a kelwesse'e apkelwányam apkelyennaqte apagko' nak. Cháxa peya sa' ko'o ayaqmagkásekxak ma'a ekpayhawo nak chá'a m'a aqsok apkelánéyak.’”

Jeremías 46:23

¡Elyaqténchesagkok sa' ma'a yenta'a apagkok naxma ekyentaxno nak! Ko'o sekxeyenma xa, sektáha nak Wesse'. Apxámok apagkok ma'a, mexnawok ma'a apweykenxal'a apxámokma sawa', méko awanchek kalyetsetek.

Jeremías 50:2

“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 50:9

Hakte wának sa' ko'o kaxhok mók apketámeyam Babilonia m'a énxet'ák apkelyennaqte apxámokma apkeleñama nak nexcheyha. Eléwekxak sa' yaqwayam yempakha', emok sa' nahan. Kempakhakma yapmeyk apmopwancha'a elnapakpok ma'a, apmoplensa'a yágke m'a apkelyát'a enxoho.

Jeremías 51:12

¡Kólya'és néten magkenatchesso yaqwayam kólchetamagkok ma'a kélhaxtegkesso nak Babilonia! ¡Kólxámasák apkeltaqmelchesso tegma! ¡Kólnegkenák apkelhaxneykha! ¡Kólnegkenák kelhanma! Hakte apkeláneykekxeyk axta aptáhakxa Wesse' egegkok yaqweykenxa etnéssesek apkeltennassama axta m'a Babilonia, apkelanak nahan.

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Jeremías 51:28

Kóllánekxés aptamhágkaxa apyókxoho énxet'ák yaqwayam ektamagkok; kóllánekxés nahan aptamhágkaxa m'a kelwesse'e apkelwányam nak Media, yetlo apkeltaqmelchesso nak chá'a apkelókxa, tén han apkeláneykha, tén han ma'a ekyókxoho apkelókxa aptamheykegkaxa nak chá'a kelwesse'e apkelwányam.”

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.

Joel 3:9

Kóllegés sa' apyókxoho pók aptémakxa énxet'ák se'e: ¡Kóllánekxés aptamhágkaxa yaqwayam yempakha'! ¡Kóláneyha m'a apkelyennaqte nak! ¡Elxegmak sa' ma'a kempakhakma yapmeyk, tén sa' elxog!

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.

Jueces 6:5

Elántaxnéssak axta chá'a apnaqtósso m'a xapop nak Israel, elpakxenagkok axta han chá'a, etwasha axta m'a ekyókxoho nak. Elxegmak axta chá'a yetlo yányátnáxeg apxámokma apagko', aptémól'a sawa' apxámokma.