Jeremías 50:16 - Biblia Enxet

¹⁶ Nágkólém xama enxoho Babilonia m'a yaqwayam nak eknekxak aqsok aktek, essenhan yaqwayam nak enakxek aqsok ekyexna. Apkelwet'ak sa' agkok kempakhakma apmassésseyam nak aqsok, eltaqhohok sa' makham apkelókxa m'a apkeleñama nak mók apkelókxa, elmeyekxak sa' chá'a xama xama m'a xapop apagkok nak.

Jeremías 50:16 Σταυροειδείς Αναφορές

Isaías 13:14

“Máxa sa' etnahagkok yátapopyet apmenxenamap la'a m'a énxet'ák essenhan ma'a aptémól'a nepkések yexpaqnek, meykel'a eyáncheseykekxa. Xama xama sa' chá'a elmeyekxak ma'a apkelókxa apagko' nak chá'a, elyexánegwakxak sa' ma'a ektáhakxa nak chá'a xapop apagkok apagko'.

Jeremías 25:38

Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.

Jeremías 46:16

Apkelpelapokmek sẽlpextétamo kélagkok, apkelyaqnenágkek nahan, aptáhak nahan chá'a apcháneya pók se'e: ‘¡Ólántépok se'e, ólmeyekxak ma'a néleñémeykxa nak, cham'a negókxa nempalleykenxa axta! Ólxeganmok ólmeyekxak ma'a meykexa nak kempakhakma ekmaso!’

Jeremías 51:23

Xép chá'a wásenneykxak alyaqtennagkok ma'a keláneykha nepkések, yetlo apnaqtósso, tén han ma'a apkeltamheykha nak namyep, yetlo m'a weyke kélméssamól'a chá'a éltamheykha, tén han apkeltaqmelchesso nak apkelókxa, yetlo apkeláneykha.

Jeremías 51:9

Néltexnágkek negko'o pánaqte m'a Babilonia, makke etaqmelwokmok. Etnehek apagkok xa, nók ólántépok se'e, enxama sa' chá'a ólmeyekxak ma'a negókxa, hakte weykmók apkelane aqsok ekmaso agko' ma'a néten, weykmók ma'a yaphope nak.

Joel 1:11

Kéxegke kéltamheykha nak chá'a namyep, tén han kélcheneykekxexa nak chá'a anmen yámet, kóllekxagwaha yetlo ekyentaxnamo agko' kélwáxok, hakte kelesagkek ma'a aqsok kélcheneykekxa, tén han ma'a kélnakxo nak hótáhap apaktek, tén han ma'a apho nak hótáhap.

Amós 5:16

Aptáhak Wesse' egegkok, Dios ekha nak apyennaqte s'e: “Kañexchek sa' kéllekxagweykha m'a ekyókxoho apkelweynchámeykegkaxa nak chá'a énxet'ák, katyapok sa' élpayheykha kélatña'ák kéllegeykegkoho ekmáske m'a ekyókxoho ámay nak. Kólwónmakha sa' yaqwayam ellekxagwaha m'a énxet'ák apkeltamheykha nak yókxexma, tén han ma'a apmopwancha'a nak ellekxagwaha.