Jeremías 49:39 - Biblia Enxet

³⁹ Atnessásekxak sa' eyke ko'o makham apheykha énxet'ák Elam ma'a ektémakxa axta apheykha, keso egmonye' nak. Ko'o sekxeyenma xa, sektáha nak Wesse'.”

Jeremías 49:39 Σταυροειδείς Αναφορές

Jeremías 48:47

Atnessásekxak sa' eyke ko'o makham apheykha énxet'ák Moab ma'a ektémakxa axta apheykha; ko'o sekxeyenma xa, sektáha nak Wesse'.” Cháxa apxeyenmakxa axta etnéssesek Wesse' egegkok ma'a Moab.

Miqueas 4:1

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Amós 9:14

Keñe sa' anaqlanták ko'o makham ma'a énxet'ák ahagkok Israel, kélnaqleykekxa axta megkatnahakxa apkelókxa. Enaqxétekhasagkokxak sa' makham ma'a tegma apkelyawe kélnaqtawáseykha axta, keñe sa' exmakha makham ma'a; eknagkok sa' makham anmen yámet, énagkok sa' nahan ma'a égmenek nak; eknagkokxak sa' makham aqsok aktek namyep, etawagkok sa' nahan ma'a ekyexna nak.

Oseas 3:5

Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.

Daniel 10:14

Ekwa'ak ko'o yaqwayam altennássak yaqwánxa katnehek egmonye' m'a énxet'ák apagkok, hakte cham'a aqsok apwete nak, ekxeyenma m'a ekhem peya nak katnehek.’

Daniel 2:28

Apheyk eyke xama Dios ma'a néten, senxekmóssamo nak ektémakxa aqsok magya'áseyak, apya'assásegwokmek xép yaqwánxa katnehek egmonye' wesse'. Altennaksek sa' xép ektémakxa apwanmagko, wesse', tén han aqsok apwete neyseksa apteyenma:

Ezequiel 39:25

“Ekeso éñamakxa sektáha nak ko'o sekpeywa s'e sektáha nak Wesse': Kalepyóshok sa' ko'o kaxwók alanok apyókxoho m'a énxet'ák Israel, Jacob aptawán'ák neptámen nak. Wának sa' kayaqmagkasek mók ma'a ektémakxa nak chá'a, yaqwayam sa' wának ko'o etaqmelchesek ma'a sekwesey ektaqmalma nak.

Ezequiel 38:16

ektamagkok sa' ma'a énxet'ák ahagkok Israel. Gog, esawhekxohok sa' xép ma'a xapop, máxa sa' etnehek ma'a ektémól'a yaphope néten ekyentaxnól'a. Wának sa' ko'o ektámegmak xép xapop ahagkok se'e amonye' nak ektemegwánxa néxa ekhem, yaqwayam sa' hey'ásegwók ko'o m'a pók aptémakxa nak chá'a énxet'ák, eñama exchep, sekxekmósa sa' ektémakxa sektaqmalma nápaqta'awók ma'a.

Ezequiel 29:14

Wának sa' ko'o elchexyók makham ma'a énxet'ák Egipto apkelmomap axta, wának sa' elánegwaták makham apxanák ma'a ekpayho nak nepyeyam ma'a Egipto, cham'a apkeleñémékxa axta, elánegwaták sa' apchókxa ketsék agko' ma'a.

Jeremías 49:6

Atnessásekxak sa' eyke ko'o makham apheykha amonitas ma'a ektémakxa axta apheykha; ko'o sekxeyenma xa, sektáha nak Wesse'.”

Isaías 2:2

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Job 42:10

Keñe axta natámen apkelmaxnéssesso Job ma'a apkelxegexma'a nak, apmeyásekxeyk axta makham Dios ektaqmalma apheykha, ektéma axta m'a nanók axta, apyeykhássessekmók axta apkelmésso m'a aqsok, cham'a ekwánxa axta ekyetnama m'a sekxók axta.

Jeremías 12:15

Keñe sa' natámen sélántekkesso, alásekhekxohok makham, wának sa' elmeyenták makham ma'a xapop apagkok nak, tén han ma'a apkelókxa apancha'awo nak.

Jeremías 49:38

Apekkenwók sa' ko'o sektaháno m'a Elam yaqwayam sa' atnehek séláneykha, alnáhakkasek sa' ma'a kelwesse'e apkelwányam apagkok, tén han ma'a apkelámha apmonye'e apagkok. Ko'o sekxeyenma xa, sektáha nak Wesse'.