Jeremías 49:27 - Biblia Enxet

²⁷ Awatnek sa' ko'o m'a kélhaxtegkesso nak Damasco, kamasséssók sa' kelwesse'e apxanák Ben-hadad xa táxa nak.”

Jeremías 49:27 Σταυροειδείς Αναφορές

Jeremías 43:12

Elwatnekxak sa' ma'a kélpeykessamókxa nak chá'a aqsok kéláyókxa m'a Egipto, elwatneyásekxak sa' nahan ma'a aqsok apkeláyókxa nak chá'a, essenhan elmok etnéssesek ma'a kélteméssessamól'a énxet apkelmomap. Yáxñásekxohok sa' ma'a apchókxa Egipto, aptémól'a xama keláneykha nepkések epaxnexchaha aptaxno epalaksek pétem, keñe sa' etaqhohok makham meyke ektáhakxa apyempehek.

2 Reyes 13:5

Tén axta Wesse' egegkok apmésa xama énxet apkelwagkasso teyp ma'a Israel, apkelwagkassek axta han teyp israelitas neyseksa apmáheyo elmok ma'a wesse' apwányam nak Siria, keñe axta ektaqmelákxo makham apheykha m'a apxanák nak, ekhawo ektémakxa axta sekxók apheykha.

2 Reyes 13:3

Axta keñamak aplawa Wesse' egegkok apkeltaqnaweygko m'a énxet'ák Israel, wenaqtémók axta apkeltémo elmok ma'a Hazael, wesse' apwányam nak Siria, tén han ma'a Ben-hadad, apketche nak ma'a.

Jeremías 50:32

Apchókxa eyeymáxkoho nak, etlapmok sa' xép, eyaqnenek sa' nahan, méko sa' han kaxneyásekxak néten. Alwatnések sa' apyókxoho tegma apkelyawe apagkok, kamasséssók sa' ekyókxoho aqsok ekhéyak nak nepyáwa xa táxa nak.”