Jeremías 31:7 - Biblia Enxet

⁷ Aptáhak Wesse' egegkok se'e: “Kólmeneykmásses ekmátsa tén han élpayheykekxa kélwáxok ma'a Jacob énxet'ák apagkok, aptamhéyak nak apkelámha apmonye' nepyeseksa m'a apyókxoho énxet'ák. Kóleyxchesho kélmeneykmasso, sa' kóltéhek se'e: ‘Apkelwagkassek teyp énxet'ák apagkok Wesse' egegkok, apkeleymomap axta m'a Israel.’

Jeremías 31:7 Σταυροειδείς Αναφορές

Salmos 106:47

Wesse', Dios egagkok, ¡hẽlwagkas negko'o teyp! ¡heganchásekxa, hennaqlósawakxa negko'o m'a nepyeseksa nak pók aptémakxa énxet'ák, yaqwayam sa' ólpeykeshok apwesey ekpagkanamaxche', yaqwayam sa' kalpayhekxak egwáxok ólpeykeshok xép!

Salmos 126:2

Néllektegmeykha egagko' axta, nélwóncháseykha axta élpayheykekxo egwáxok; keñe axta melya'áseyak nak Dios aptáha apkelpaqmeta s'e: “¡Apkelánessek ekyawe agko' aqsok Wesse' apagkok xa énxet'ák nak!”

Salmos 14:7

¡Émenye' nak la'a ko'o kawak nélwagkásamáxche teyp ma'a Israel, eñama m'a Sión! Apyaqmagkassessek sa' agkok mók Wesse' egegkok ektémakxa apheykha m'a énxet'ák apagkok nak, kalpayhekxak sa' apkelwáxok ma'a Jacob aptawán'ák neptámen, cham'a apyókxoho énxet'ák nak Israel.

Salmos 28:9

Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Salmos 69:35

Hakte ewagkasek sa' teyp Dios ma'a Sión, enaqxátehásegkokxak sa' ma'a tegma apkelyawe nak Judá. Apkeláneykha apketchek sa' elxewekxak ma'a tegma apwányam; sa' exmakha m'a, apagkok sa' etnehek; ¡sa' exmakha chá'a apchásekhayo nak chá'a apwesey!

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 37:31

Máxa aqsok kélcheneykekxa sa' etnahagkok ma'a Judá énxet'ák apkeleymomap nak meletsapma: elántépekxak sa' makham, exámekxak sa' nahan,

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 44:23

¡Néten, kalpáxamha kátsaha kalanok ma'a apteméssesakxa nak Wesse' egegkok! ¡Kólwehesha, máxek élmattawóneg agko' nak keso náxop! ¡Meteymog élekhahéyak, kólpáxamha ekwányam agko' kólátsaha, tén han ma'a naxma yetlo m'a ekyókxoho yenta'a élyawe agkok nak, hakte apxekmóssek apcheymákpoho Wesse' egegkok apwagkasa teyp ma'a Israel, cham'a Jacob!

Isaías 52:8

¡Kóleyxho! Apkelpaqmetchek ekyennaqte agko' ma'a énxet'ák kélagkok apkeleyxcháseykha nak chá'a, apsawhekpók apkelpáxameyncha'a yetlo élpayheykekxa apkelwáxok, hakte apkelwet'ak apaqta'ák apagko' ektáhakxa apweykta makham Wesse' egegkok ma'a Sión.

Isaías 61:9

Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.

Jeremías 20:13

¡Kólmeneykmásses Wesse' egegkok, kólpeykesho!, hakte elwagkashok chá'a teyp énxet'ák apkelmopyóseka, neyseksa apmáheyo elmok ma'a élmasagcha'a nak apkeltémakxa.

Jeremías 23:3

Ko'o ahagko' sa' nahan anaqlanták apkeleymomap nak nepkések seknaqtósso apkeleñama m'a apkelókxa sélya'assamakxa axta sekmenxenma, wánchásekxak sa', keñe sa' alya'ásenták makham ma'a apteykegkaxa axta chá'a pa'at, yaqwayam sa' exámekxak makham apketkók.

Jeremías 3:23

Kaqhok negko'o ólmeyekxak chá'a m'a néten egkexe nak, essenhan ólpáxamágwakxak chá'a m'a néten meteymog élwenaqte nak; wánxa aqsa egwanchek negko'o agwetak nélwagkásamáxche teyp, negko'o nentáha nak énxet'ák Israel ma'a Dios Wesse' egegkok nak.

Jeremías 31:12

“Elchexyók sa', elmeneykmásseták sa' kalpaykhekxak apkelwáxok ma'a egkexe nak Sión, kalpeykessásekxak sa' apkelwáxok ma'a aqsok éltaqmalma apkelmésso nak Wesse' egegkok: cham'a hótáhap apaktek, vino tén han pexmok égmenek, nepkések tén han weyke. Elxohok sa' ma'a aqsok kélcheneykekxa' ektaqmalmal'a kélexpaqhéyak yegmen, kamaskok sa' elyelqakpok.

Lamentaciones 1:1

¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Ezequiel 6:8

Wának sa' eyke ko'o kólwomok teyp kélnápakha kéxegke tén han megkóltekyewe, kólexpaqnek sa' kólmahagkok ma'a nepyeseksa nak pók aptémakxa énxet.

Oseas 1:7

Sa' aqsa wásekhekxohok ma'a apchókxa nak Judá: ko'o ahagko' sa' awagkasek teyp, sektáha nak Dios Wesse' apagkok. Háwe sa' eyke kempakhakma yaqwayam alwagkasek teyp, meyke yágke sa' atnehek tén han sókwenaqte, tén han meyke yátnáxeg, tén han ma'a énxet apkelchánte nak yátnáxeg.”

Joel 2:32

Apyókxoho énxet ektáha nak sewóneykha, ko'o sektáha nak Wesse', ewagkasakpok sa' teyp ma'a nétsapmakxa nak, hakte keytek sa' nélwagkásamáxche teyp ma'a egkexe Sión, Jerusalén nak, apkeltennassamakxa axta katnehek ma'a Wesse' egegkok. Meletsepek sa' ma'a ektáha nak apkelyéseykha.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Miqueas 2:12

Wánchásekxak sa' ko'o apyókxoho Jacob énxet'ák apagkok; ayekhámekxak sa' apqántawók apkeleymomap nak ma'a énxet'ák Israel. Wánchásekxak sa' aptémól'a nepkések yaqnekxak ma'a apxagkok aptémól'a nepkések yaqnekxak ma'a yókxexma ektaqmelakxa nak pa'at, énnegkesek sa' exma eñama apxámokma.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Deuteronomio 28:13

Kélmonye'e sa' chá'a etnéssesek kéxegke m'a Wesse' egegkok, háwe sa' chá'a axayo'; néten sa' chá'a kóltéhek kéxegke nepyeseksa m'a apyókxoho énxet'ák nak, megkóltemekxeyk sa' chá'a kóneg, kélyahákxoho enxoho chá'a m'a apkeltémókxa nak chá'a antéhek ma'a Dios Wesse' kélagkok, séltamho exchek ko'o kóllának se'e sakhem nak, tén han kéllana enxoho chá'a

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”