Jeremías 30:11 - Biblia Enxet

¹¹ Ekxénchek ko'o, sektáha sélxegexma'a kéxegke yaqwayam alwagkasek teyp, ko'o sektáha nak Wesse'. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Jeremías 30:11 Σταυροειδείς Αναφορές

2 Samuel 24:12

“Ey'ókxa sa' David, eltennés sa' peya ko'o altennaksek ántánxo aqsok, elyésha sa' ma'a apkeltamhókxa enxoho alának aqsok.”

Salmos 6:1

Wesse', náhetaqnow aqsa ko'o aplawa enxoho, ná heñássesagkoho aqsa ko'o setaqnawaya enxoho.

Éxodo 34:7

Megkeytyapwágwayam nak sélásekhayo m'a apyókxoho énxet, tén han mayaqmagkáseykekxa nak apkeltémakxa ekmaso, tén han sélenmexeykha, tén han megkólya'assáxma; magwohok eyke aqsa chá'a eweynchamha meyke seklegassáseykegkoho m'a énxet ektáha enxoho chá'a apsexnánémap, allegássesagkohok chá'a eñama apkeltémakxa élmasagcha'a m'a apyapmeyk apketchek tén han ma'a aptawán'ák nak, ekweykekxoho m'a apketchek aptawán'ák nak.

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 8:10

Kéllánekxeyk sa' agkok chá'a yaqwánxa kóltéhek, kamassegwók sa' aqsa chá'a, kélxénchek sa' aqsok chá'a aqsok kélmámenyého, megkalanaxcheyk sa' chá'a, hakte apheyk negyeseksa negko'o m'a Dios.

Jeremías 1:19

Yenmexekxak sa' xép xa énxet'ák nak, mexók sa' eyke, hakte sekxegexma sa' ko'o atnehek xép, yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 1:8

Nágye' aqsa xama énxet enxoho, hakte sekxegexma sa' ko'o atnehek xép yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 10:24

Hẽllegássesagkoho sa' negko'o, yetlo ekpéwomo senteméssesakxa, háwe sa' yetlo aplo, hakte hegmasséssók katnehek.

Jeremías 15:20

Máxa sawo ekyexwase kélhaxtegkessól'a tegma apwányam sa' ko'o atnéssesek xép nepyeseksa xa énxet'ák nak, megkólaqtassól'a. Yempakhakpok sa' eykhe, mexók sa' eyke, hakte ko'o sekxegexma exchep, yaqwayam awagkasek teyp, tén han amallahanchesek. Ekméssek ko'o sekpeywa, sektáha nak Wesse' apagkok.

Jeremías 4:27

Aptáhak Wesse' egegkok se'e: “Ekmaso sa' kóltemessásekxak ekyókxoho xapop, mamasséssemek sa' eyke ekyókxoho.

Jeremías 5:10

¡Elántaxnegwak sa' apkelenmexma m'a, etwássesha sa' ma'a anmen yámet apkeneykekxa, mesawhók sa' eyke ekyókxoho! ¡Elekkexchesek sa' ma'a aktegák nak, hakte háwe ko'o kaxwók anmen yámet séneykekxa m'a!

Jeremías 5:18

Aptáhak Wesse' egegkok se'e: “Masawhók sa' ko'o amasséssók kéxegke xa ekhem nak.

Lamentaciones 3:22

Méko néxa segásekhayo m'a Wesse' egegkok, megkamassegwomek nahan ektémakxa ektaqmeleykha apwáxok henlano'.

Ezequiel 11:13

Neyseksa seklegasso axta ko'o Wesse' egegkok appeywa apyaqnena apketsapa m'a Pelatías, Benaías apketche nak. Éltekxekkek axta ko'o etapnák sekháxaha ekwokmoho sektekxeya ekpayhakxa nahát xapop, élpáxamáha axta ekyennaqte agko', axta ektáhak se'e: “¡Wesse' ahagkok! ¿Peya esawhohok emasséssók apkeleymomap nak apqántawók énxet'ák ma'a kañe' Israel?”

Ezequiel 6:8

Wának sa' eyke ko'o kólwomok teyp kélnápakha kéxegke tén han megkóltekyewe, kólexpaqnek sa' kólmahagkok ma'a nepyeseksa nak pók aptémakxa énxet.

Oseas 11:9

Matnehek sa' ma'a ektáhakxa nak eklo ewáxok: mamasséssemek sa' ko'o kaxwók ma'a Efraín, hakte Dios ko'o, háwe énxet. Sekpagkanamaxche ko'o, sekha nak aphakxa exchep, maxñekmok ko'o yaqwayam amasséssak xép.”

Levítico 26:44

“Kólhakha sa' eykhe kéxegke m'a kélenmexma apchókxa nak neyseksa ekteme xa, makxayhek sa' eyke chá'a, maltaqnaweygkehek sa' nahan; mamasséssemek sa' nahan, alának sa' chá'a m'a ekhémo mók nélpaqhetchásamáxkoho sélánésso axta ko'o m'a kélyapmeyk nano', hakte ko'o sekteme Dios Wesse' kélagkok.

Deuteronomio 4:31

mekxáyhek sa' chá'a kélxakcha'awo', memasséssemek sa' nahan, hakte cha'a apteme Dios apmopyósa henlanok ma'a, megkalwánaqmék sa' nahan ma'a ekhémo mók nélpaqhetchásamáxkoho apkelánésso axta m'a kélyapmeyk nanók axta kéxegke, tén han apxeyenma axta naqsók agko' elána'.