Jeremías 29:12 - Biblia Enxet

¹² Keñe sa' kéxegke hélwónmakha chá'a, hélyo'ótagkasek sa' chá'a kélmaxnagko, weyxhok sa' nahan chá'a ko'o.

Jeremías 29:12 Σταυροειδείς Αναφορές

Jeremías 33:3

Hewónmakha, wátegmowagkok sa', keñe sa' altennaksek ma'a aqsok élyawe agko' nak, tén han ma'a aqsok élpowásamáxkoho nak, mey'ásegko nak xép.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 145:19

Elanaksek chá'a aqsok apkelmopmenyého m'a ektáha nak chá'a apcháyo; apkelmaxnakkek agkok chá'a yának epasmok, yeyxhok chá'a, keñe elwagkasek chá'a teyp.

Salmos 10:17

Wesse', yeyxhok chá'a exchep apkelmaxnagko m'a énxet'ák meyke nak élmasma, elwasqakkásekxohok chá'a, elanha nahan chá'a.

Isaías 65:24

Wátegmowagkok sa' chá'a ko'o, amonye' sewóneykha xa énxet'ák nak; añak sa' nahan chá'a aptáhakxa apkelpeywa, amonye' apsawhéyak apkelpaqmeyesma.

Jeremías 31:9

Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.

Isaías 30:19

Énxet'ák Sión, kélheykha nak Jerusalén: megkóllekxagwaha sa' kaxwók kéxegke. Kélyósekak sa' elanok kéxegke Dios apleg'a enxoho kélpáxameykha ekyennaqte kólmaxnak yaqwayam epasmok, ketse' aplege sa' katnehek kélpeywa, yohók sa' chá'a yátegmowagkok.

Ezequiel 36:37

“Ektáhak ko'o sekpeywa s'e, sektáha nak Wesse': Alának sa' ko'o makham aqsok. Alanaksek sa' chá'a ko'o sélmaxneyakxa enxoho chá'a apkeltamhókxa alanaksek ma'a énxet'ák Israel; axámassásekxak sa' ma'a énxet'ák apagkok aptémól'a m'a nepkések.

2 Crónicas 6:38

apya'aweykto enxoho yetlo ekmáyheykegkoho agko' apkelwáxok ma'a apchókxa kélya'assamakxa axta kélnaqleykekxo apkelmomakpo, apkelpayhentámho enxoho elmaxneyagkok se'e xapop apméssamakxa axta apyapmeyk nano', tén han se'e tegma apwányam apkelyéseykegkaxa axta, keñe han se'e tegma appagkanamap sélánésso axta ko'o exchep,

2 Crónicas 33:13

Apkelmaxnakkek axta, appasmeyk axta han ma'a Dios, apleg'ak axta m'a aqsok apkelmaxneyeykha, apcháphásekxeyk axta makham emyekxak ma'a Jerusalén, yaqwayam emekxak makham aptamheykha m'a aptémakxa nak wesse' apwányam. Apya'ásegwokmek axta Manasés Wesse' egegkok apteme Dios.

Job 22:27

Apkelmaxnakkek sa' agkok chá'a aqsok, yeyxhok sa' chá'a apkelmaxnagko, elának sa' nahan chá'a exchep ma'a apkeltennasso nak elána'.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

Jeremías 50:4

Aptáhak Wesse' egegkok se'e: “Ellekxagwenták sa' elchexyamok énxet'ák Israel tén han Judá xa ekhem nak, hektamok ko'o, sektáha nak Dios Wesse' apagkok.

Jeremías 51:50

Kéxegke kélegketamaxche axta, kólenyahák meyke kélchaqnágwayam, kélwokmek sa' agkok ma'a makhawo nak, kaxén sa' kélwáxok ma'a Wesse' egegkok, nágkalwánaqma aqsa m'a Jerusalén.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.