Isaías 8:9 - Biblia Enxet

⁹ Kólaqnekxa sa', énxet'ák kélheykha nak apkelókxa, kólyegwáwho kélagkók sa' nahan; kóleyxho s'e, kélyókxoho kélheykha nak apkelókxa makhawo': kólmekxak sa' eykhe chá'a kélmeykha kólmáwhok kólempakha' kólyegweyk sa' aqsa chá'a; naqso', kólmekxak sa' eykhe chá'a kélmeykha kólmáwhok kólempakha' kólyegwék sa' aqsa chá'a.

Isaías 8:9 Σταυροειδείς Αναφορές

1 Reyes 20:11

Keñe axta wesse' apwányam Israel, apkeltamho kóltéhek kólának se'e: “Méko xama sẽlpextétamo exénmakha apmallane megyempakha'akxa enxoho makham.”

Proverbios 11:21

Naqsók sa' kóllegássesagkohok ma'a énxet ekmaso nak aptémakxa', tásek sa' eyke katnehek apkelmallane m'a énxet'ák élpéwomo nak apkeltémakxa'.

Isaías 28:13

Ékeso éñamakxa peya nak etnehek elpaqhetchesek Wesse' egegkok ma'a ektémól'a sakcha'a apketcheyetse', kaxwe éltámeyél'a apkelyetsete. Keñe sa' apkelxega enxoho chá'a, elsekhohok sa' chá'a elyaqnenek kasawhaxkohok apmagkok, elyensagkok sa' nahan, kalmok sa' ma'a kelhanma, elmakpok sa' nahan.

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Isaías 54:15

Apketamokmek sa' agkok chá'a énxet háwe sa' ko'o eñama séltémo, emenxenek sa' chá'a exchep ma'a apketámeyam nak chá'a.

Jeremías 42:11

Nágkóle aqsa m'a wesse' apwányam Babilonia, kéláya kélagko' nak chá'a kéxegke. Nágkóle', hakte ekheyk ko'o xamók kéxegke yaqwayam alwagkasek teyp tén han almallahanchesek neyseksa apmáheyo elmok. Ko'o sekxeyenma xa, sektáha nak Wesse'.

Jeremías 46:3

“¡Kóllánekxa' kéláhakkásamáxche'! ¡Kólchetamák!

Jeremías 46:4

¡Kóltahanchesák yátnáxeg! ¡Kólchenát kélchánte nak chá'a! ¡Kólatchásekxa kélatchesso kélpátek sawo, kóléwekxa'! ¡Kólmaxneyagkokxa sawhéwa! ¡Kóláhakkásekxa kélnénya'ák kéláhakkasso nak chá'a!

Jeremías 51:20

“¡Babilonia, xép apteme sawo ekyentaxno ahagkok, sekmeykha nak chá'a sénchesso kempakhakma! Xép chá'a wásenneykxak alyaqtennagkok ma'a pók aptémakxa énxet'ák, tén han amasséssók ma'a ekyókxoho apkelókxa.

Ezequiel 38:7

Elánekxa sa' aptáhakxa, elmekxa sa' apkelmeykha, xép, tén han ma'a apyókxoho sẽlpextétamo ektáha nak apkelxegexma'a; etnem sa' apmonye'e.

Ezequiel 38:8

Kalyeykhagkok sa' apyeyam, exkak xép yaqwayam etxek ma'a xama apchókxa ekyetnamakxa axta kempakhakma, kélxátekháseykekxeyk eyke makham ma'a; cham'a xama apchókxa apkexpánma axta énxet ekxámokma agko' ma'a apkelókxa apheykegkaxa nak chá'a pók aptémakxa énxet'ák tén han kélmassesseykmoho kélagkók axta, kéláncheseykekxeyk eyke makham ma'a egkexe élekhahéyak nak Israel. Apkelweykteyk makham apkelenyekto m'a ekyókxoho apkelókxa, tásek sa' nahan katnehek apheykha apyókxoho m'a.

Josué 11:5

Apheyásawók axta mók apkelpeywa xa apyókxoho nak, tén axta apkelpakxenwokmo m'a neyáwa yegmen nak yókxexma Merom, yaqwayam ektamagkok ma'a énxet'ák Israel.